काठमाडौं । निमा एकेडेमी, एडचेन्ज नेपाल र जियोजेब्रा नेटवर्क अफ नेपालको संयुक्त आयोजनामा काठमाडौंको ज्ञानेश्वरस्थित हन्च कम्प्लेक्समा फागुन ३ र ४ गते जेन कम्फरेन्स हुने भएको छ । उक्त सम्मेलन विद्यालयलाई २१औँ शताब्दीको प्रगतिशील नमुना विद्यालयका रूपमा कसरी विकास गर्न सकिन्छ भन्ने विषयमा केन्द्रित हुने कुरा आयोजकले जनाएको छ ।
सम्मेलनमा २१औं शताब्दीका सीप तथा चुनौतीसम्बन्धी छलफलका साथै शिक्षालाई युग सुहाउँदो बनाउन विभिन्न सोच तथा शैक्षिक आयाममाथि छलफल हुने आयोजकले सोमबार पत्रकार सम्मेलन गरी जानकारी गराएको छ । प्रगतिशील विद्यालयका लागि आवश्यक पर्ने नेतृत्व विकास, शिक्षकको पेशागत विकास, आवश्यक शिक्षण प्रविधिको पहिचान सम्मेलनका मुख्य आकर्षण रहनेछन् । सम्मेलनमा चार विधामा विषय विशेषज्ञबाट प्रस्तुति दिइने र १३ वटा कार्यशाला र ३६ वटा कार्यपत्र प्रस्तुत हुने बताइएको छ ।
सम्मेलनको किनोट वक्ताका रूपमा थाइल्याण्डको महिडोल विश्वविद्यालयकी एलुमुनाई ओन्ग डी जीन, त्रिभुवन विश्वविद्यालयका एसोसिएट प्रोफेसर राजेन्द्र कुुँवर र नेपाल खुला विश्वविद्यालयका एसोसिएट प्रोफेसर जीवन खड्का रहेका छन् । सम्मेलनमा सम्बन्धित क्षेत्रका विज्ञले विद्यालयमा प्रोग्रेसिभ नेतृत्व, डिजिटल लर्निङ अभ्यास, पाठ्यक्रममा नवीनता, शिक्षकको व्यावसायिक विकास, मूल्यांकन रणनीतिलगायतमा केन्द्रित रहेर प्रस्तुति दिने आयोजकले जनाएको छ । सम्मेलनमा करिब दुई सयजनाको सहभागिता रहने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच