मकवानपुर । शहीद स्मृति स्थानीय तह मकवानपुर गोल्डकप फुटबल प्रतियोगिताको उपाधि नेपाल सशस्त्र प्रहरी (एपिएफ) क्लबले हात पारेको छ । फाइनलमा नेपाल एपिएफ क्लबले एनआरटीलाई पराजित गर्यो । निर्धारित समयमा गोल गर्न नसकेपछि खेल पेनाल्टी सुट आउटमा पुगेको थियो । पेनाल्टी सुट आउटमा एनआरटीका तर्फबाट जय गुरुङ, गोलरक्षक प्रिसो, विकेक गुरुङ गोल गर्न सफल हुनुभयो भने सरोज तामाङ र अभिषेक लिम्बूले प्रहार गरेको बल बाहिर पुगेको थियो ।
त्यस्तै, एपिएफका तर्फबाट एनी सेट, कुलदीप कार्की र सुमन श्रेष्ठ गोल गर्न सफल हुनुभयो भने बुद्धिमान राई र दिपेश धिमालले गरेको प्रहार रोक्नुका साथै क्रसबारमा ठोक्किएर बाहिर पुग्यो ।
त्यसपछि खेल सडनडेथमा पुगेको थियो । सोही क्रममा एनआरटीका तर्फबाट मोहित गुरुङ गोल गर्न सफल हुनुभयो भने रन्दीप पौडेलले प्रहार गरेको बल एपिएफका गोलरक्षक एञ्जल श्रेष्ठ रोक्न सफल हुनुभयो ।
एपिएफका लागि कप्तान मणि लामा र फोडे फोफानाले एक-एक गोल गर्दै उपाधि चुम्नुभयो । उपाधिसँगै एपिएफले १५ लाख नगद, शिल्ड, मेडल तथा प्रमाणपत्र प्राप्त गरेको छ । त्यस्तै, उपविजेता बनेको (न्युरोड) एनआरटीले १० लाख नगद, शिल्ड, मेडल र प्रमाणपत्र प्राप्त ग¥यो । खेलको प्लेयर अफ दी म्याच एपिएफका गोलरक्षक एञ्जल श्रेष्ठ घोषित हुनुभयो ।
प्रतियोगिताको उत्कृष्ट गोलरक्षक एपिएफका एञ्जल श्रेष्ठ, उत्कृष्ट डिफेण्डर एपिएफकै कुलदीप कार्की, उत्कृष्ट मिल्डफिल्डर एनआरटीका जय गुरुङ, उत्कृष्ट फरवार्ड एनआरटीकै जोन क्लोरी घोषित हुनुभयो । उहाँहरूले जनही २० हजार नगदसहित ट्रफी प्राप्त गर्नुभयो ।
उत्कृष्ट प्रशिक्षक एपिएफका सुमन श्रेष्ठ हुनुभयो भने सर्वाधिक गोलकर्ता अनिश महर्जन सर्वोत्कृष्ट खेलाडी घोषित हुनुभयो । उहाँले स्व. पर्शुराम गौतम स्मृति प्रतिष्ठानले सौजन्य गरेको रोयल बुलेट बाइक प्राप्त गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच