काठमाडौं । पर्यटन क्षेत्रका विविध विधा केन्द्रित ‘टुरिजम हिरो अवार्ड्स २०२४’ आयोजना हुने भएको छ । पर्यटन क्षेत्रका विविध आयाममा सहभागी गराई पर्यटन प्रवद्र्धनमा योगदान पुर्याउँदै आएको ग्लोबल टुरिजम प्रोमोसन काउन्सिलले नेपालमै पहिलोपटक यस्तो अवार्ड्स आयोजना लागेको हो । पर्यटन प्रवद्र्धनमा योगदान पुर्याउने व्यक्ति तथा संस्थामध्येबाट विभिन्न ३१ विधामा अवार्ड्स प्रदान गरिने काउन्सिलले मंगलबार पत्रकार सम्मेलन गरी जानकारी दिएको छ । आगामी चैत ६ गते काठमाडौंमा एक भव्य समारोहबीच अवार्ड्स विजेतालाई अवार्ड, ट्रफी हस्तान्तरण गरिने आयोजकले जनाएको छ ।
होटलतर्फका १४ तथा पर्यटनका अन्य १७ विधा गरी कुल ३१ विधामा पाँच सयभन्दा बढीले प्रतिस्पर्धा गर्ने अनुमान गरिएको अवार्ड नोमिनेसन मंगलबारदेखि खुला गरिएको छ । टुरिजम हिरो अवार्ड्स २०२४ को आधिकारिक वेबसाइट टुरिजम हिरो डट ओआरजीमा गएर जोकोहीले आफ्ना लागि वा अन्य लागिका समेत विस्तृत विवरण भरी नोमिनेसन फाइल गर्न सक्ने बताइएको छ ।
प्राप्त नोमिनेसनमध्येबाट पूर्ण र आधिकारिक विवरण भरिएका नोमिनेसन सर्टलिस्ट गरी भोटिङ योग्य बनाइनेछ । आवश्यक लिंक नोमिनेसन भर्ने आधिकारिक व्यक्ति तथा सर्वसाधारणलाई उपलब्ध गराई भोटिङका लागि आहृवान गरिनेछ । प्राप्त पब्लिक भोटलाई आधार मान्दै जुरीहरूको अन्तिम निर्णयका आधारमा विजेता घोषणा गरिने आयोजकले जनाएको छ । अवार्ड विशुद्ध पर्यटन प्रवद्र्धनमा योगदान पु¥याउने व्यक्ति तथा संस्थालाई प्रोत्साहित गर्ने उद्देश्यले आयोजना गर्न लागिएको काउन्सिलका अध्यक्ष धमेन्द्र सापकोटाले बताउनुभयो । अवार्डमा समावेश विधामा बेस्ट ट्राभल एजेन्सी अफ द इअर, बेस्ट ट्राभल एजेन्सी अफ द इअर होलिडे, बेस्ट ट्राभल एजेन्सी अफ द इअर-इनबाउण्ड, बेस्ट टेक्नोलोजी फर ट्राभल एण्ड टुरिजम, सिइओ अफ द इअर-हस्पिटालिटी, सिइओ अफ द इअर-ट्राभल, बेस्ट टुरिजम स्टार्टअफ अफ द इअर, टुरिजम पर्सनालिटी अफ द इअर-जर्नालिस्ट रहेका छन् ।
त्यस्तै, टुरिजम पर्सनालिटी अफ द इअर–अन्टरप्रेन्युअर, टुरिजम पर्सनालिटी अफ द इअर एनआरएन, टुरिजम पर्सनालिटी अफ द इअर वुमन अन्टरप्रेन्युअर, टुरिजम पर्सनालिटी अफ द इअर ब्राण्डिङ एण्ड मार्केटिङ, मस्ट आइकोनिक इन्फ्रास्ट्रक्चर, म्युनिसिपालिटी अफ द इअर, रूलर म्युनिसिपालिटी अफ द इअर, मेयर अफ द इअर र टुरिजम हिरो २०२४ रहेका छन् ।
त्यसैगरी होटलतर्फ बेस्ट होटल अफ द इअर फाइभ स्टार, बेस्ट होटल अफ द इअर फोर स्टार, बेस्ट होटल अफ द इअर थ्रिस्टार, बेस्ट रिसोर्ट अफ द इअर, बेस्ट बुटिक होटल अफ द इअर, बेस्ट होटल टुरिस्ट स्ट्याण्डर्ड (नन स्टार), बेस्ट चेन होटल अफ द इअर नेसनल, बेस्ट होटल अफ द इअर डिजाइन एण्ड इन्फ्रास्ट्रक्चर, बेस्ट होटल अफ द इअर इको फ्रेण्ड्ली, बेस्ट रेष्टुराँ अफ द इअर, बेस्ट चेन रेस्टुराँ अफ द इअर नेसनल, बेस्ट सेफ अफ द इअर नेपाली, बेस्ट सेफ अफ द इअर इन्टरनेसनल र बेस्ट क्यासिनो अफ द इअर रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच