गुल्मी । गुल्मीको तम्घासस्थित सिद्धबाबा माध्यमिक विद्यालयले विद्यार्थीलाई अध्ययनमा सक्रिय बनाउन सञ्चालन गरेको ‘ज्ञानीसँग हाम्रा नानी’ कार्यक्रमको आज सयौं शृङ्खलाको कार्यक्रम भएको छ । तत्कालीन तम्घास गाविस खानीगाउँ टुनीखोलामा रहेको सानो बचत घरबाट २०४३ सालमा शैक्षिक यात्रा सुरु गरेको यस विद्यालयले विद्यार्थीलाई अध्ययनसँगै सिकाइमा सक्रिय बनाउन नियमित पठनपाठनका अतिरिक्त विभिन्न कार्यक्रमहरु सञ्चालन गर्दै आएको छ ।
विद्यालयले विद्यार्थीको सिकाइप्रतिको परम्परागत मान्यतालाई चिर्न नियमित पठनपाठनका अतिरिक्त लामो समयदेखि ‘ज्ञानीसँग हाम्रा नानी’ कार्यक्रम गर्दै आएको छ । यस कार्यक्रमको सयौं शृङ्खलाको अवसरमा रेसुङ्गा नगरपालिकाका नगरप्रमुख खिलध्वज पन्थीले विगतदेखि वर्तमानसम्मका आफ्ना अनुभवहरुलाई विद्यार्थी माझ प्रस्तुत गर्नुभएको हो । उहाँले वर्तमानका साझेदार, भविष्यका देश निर्माता र सभ्य समाजका अग्रणी विद्यार्थीहरु भएको भन्दै विद्यार्थीलाई अध्ययनमा निरन्तर सक्रिय भएर लाग्न सुझाव दिनुभयो ।
नगरप्रमुख पन्थीले विद्यार्थीलाई ठूलो होइन, असल बन्ने प्रयत्न गर्न आग्रह गर्नुहुँदै असल भित्र सबै कुरा पर्ने बताउनुभयो । सबैले जीवन्त रहने काम गर्न जरुरी रहेको भन्दै नगरप्रमुख पन्थीले पछिल्लो पटक संस्कार स्खलित हुँदै गएको बेलामा यस विद्यालयले संस्कारसहितको शिक्षा प्रदान गरेको बताउनुभयो ।
रोजगारीमूलक शिक्षा नभएसम्म समुन्नत समाजको कल्पना समेत गर्न नसकिने भन्दै उहाँले कुनै पनि युवा साथीहरु विदेशमा रोजगारका लागि जान नपरोस् भनेर सबै तहबाट रोजगारीका अवसरहरु सिर्जना गर्नुपर्ने बताउनुभयो । स्वदेशमै बसेर केहि गर्छु भन्ने उदेश्य लिन विद्यार्थीहरुलाई आग्रह उहाँले गर्नुभयो । सभ्य, आधुनिक, न्यायपूर्ण र पद्धतिमा चल्ने समाज निर्माण गर्न सबै एकताबद्ध भएर लाग्नुपर्ने बताउनुभयो ।
विद्यार्थीहरूलाई अध्ययनसँगै सकारात्मक हरेक कुरामा सक्रिय बनाउन विद्यालयले ‘ज्ञानीसँग हाम्रा नानी’ र ‘बुक टक’ लगायतका विभिन्न महत्वपूर्ण अतिरिक्त कार्यक्रमहरु गर्दै आएको विद्यालयका प्रधानाध्यापक डोरविक्रम श्रीसले बताउनुभयो ।
यस कार्यक्रममार्फत् विभिन्न क्षेत्रका विशेषज्ञ ल्याएर विद्यार्थीलाई किताबी ज्ञानसँगै व्यावहारिक ज्ञान दिने प्रयास गरिएको भन्दै विद्यार्थीलाई अध्ययनमा आकर्षित गर्न विभिन्न रचनात्मक र सिर्जनात्मक पद्धतिद्वारा पठनपाठन सञ्चालन गरिएको बताउनुभयो ।
विद्यालयले गर्ने हरेक कार्यक्रम विद्यार्थी केन्द्रित भएको हुँदा विद्यार्थीसँगै अभिभावक पनि उत्साहित भएका छन् । विद्यालयमा होटल म्यानेजमेण्ट पढ्ने विद्यार्थीहरुको प्रयोगात्मक अभ्यासको लागि पाकशाला कक्षको शुभारम्भ समेत गर्नुका साथै नयाँ साना बालबालिकालाई अक्षरारम्भ समेत गरिएको शिक्षक टीका खड्काले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच