काठमाडौं । सामाजिक सुरक्षा कोष र लुम्बिनी प्रदेशको कपिलवस्तुमा रहेको युनाइटेड नेसनल अस्पतालबीच कोषका योगदानकर्तालाई स्वास्थ्य सेवा प्रवाहका लागि सम्झौता भएको छ । कोषको कार्यालयमा आइतबार कोषका कार्यकारी निर्देशक कविराज अधिकारी तथा युनाइटेड अस्पतालका प्रतिनिधि डा. गिरी पन्थीले सम्झौतापत्रमा हस्ताक्षर गर्नुभएको हो ।
सम्झौतासँगै कोषमा नियमित योगदानकर्ताका रूपमा रहेका श्रमिकले चिकित्सकको परामर्श सेवासहित ओपिडी र आइपिडी सेवा तथा दुर्घटनालगायतका बृहत् सेवा प्राप्त गर्ने अस्पतालका डा. पन्थीले बताउनुभयो । अशक्त भई अस्पताल आउन नसक्ने योगदानकर्ताको हकमा समेत घरमै बसी अस्पतालको सुविधा लिन सक्ने तथा त्यसको शोधभर्ना अस्पतालले गर्नेसमेत उहाँले जानकारी गराउनुभयो ।
कोषका कार्यकारी निर्देशक अधिकारीले सम्झौताले सिंगो कपिलवस्तु जिल्ला तथा सो आसपासका योगदानकर्ता लाभान्वित हुने भन्दै सरकारको सामाजिक सुरक्षाको अभियानमा युनाइटेड नेसनल अस्पतालसँगको सहकार्यले समग्र लुम्बिनी प्रदेशमा सकारात्मक सन्देश प्रवाह गर्ने बताउनुभयो । लुम्बिनी प्रदेश सांसद विष्णुप्रसाद पन्थीले कपिलवस्तुमा रहेका सामाजिक सुरक्षा कोषका योगदानकर्ताले जिल्लाभित्रै रही सेवा प्राप्त गर्न सक्ने वातावरण बनेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच