काठमाडौं । भायानेट कम्युनिकेसनले सन् २०२४ को एसियन टेलिकम अवार्डमा ‘ब्रोडब्याण्ड टेलिकम कम्पनी अफ द इयर’ र ‘टेक्नोलोजी इनोभेसन अफ द इयर-नेपाल’ अवार्ड जितेको छ । एक्सजिएस टेक्नोलोजीमा आधारित नेपालको पहिलो मल्टि-गिग इन्टरनेट बजारमा ल्याएर नयाँँ प्रविधि परिचित गराउँदै ग्राहकमा उल्लेख्य प्रभाव पार्न सफल भएकाले कम्पनी अवार्ड प्राप्त गर्न सफल भएको बताइएको छ ।
अवार्ड समारोह फेब्रुअरी २९ मा सिंगापुरमा आयोजना भएको थियो । उक्त अवार्डका लागि भायानेट नेपालका अन्य इन्टरनेट प्रदायक र टेलिकम कम्पनीसँग मनोनयनमा परेको थियो । कम्पनीले उक्त विधामा नेपालमा पहिलोपटक प्रतिष्ठित अवार्ड जितेको हो ।
एसियाली टेलिकम अवार्ड एसियन मोबाइल न्यूजबाट सञ्चालन हुँदै आएको छ । अवार्ड कार्यक्रमले एसियाका अग्रणी टेलिकम र ब्रोडब्याण्ड कम्पनीको उत्कृष्ट उपलब्धि र पहललाई मान्यता दिँदै आएको बताइएको छ । भायानेट कम्युनिकेसनकी प्रमुख कार्यकारी अधिकृत सेवा पाठक बोहराले भन्नुभयो, ‘भायानेट सधैं ग्राहकको आवश्यकताअनुरूप नवीनतम् टेक्नोलोजी प्रयोग गर्नेमा अग्रपंक्तिमा रहँदै आएको छ र यो पुरस्कारले हाम्रो टिम र कम्पनीको अथक प्रयास र ग्राहकप्रतिको प्रतिबद्धतामा थप ऊर्जा प्रदान गर्छ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच