काठमाडौं । पेप्सीकोलास्थित नेक्सस क्रिकेट एकेडेमीले यस वर्ष एसइई दिने २०० जना क्रिकेट खेलाडीका लागि २० दिने निःशुल्क क्रिकेट क्याम्प आयोजना गर्ने भएको छ । ग्रासरूट क्रिकेट विकासमा कोषेढुंगा साबित एसइई क्याम्पलाई निरन्तरता दिँदै नेक्ससले एसइई क्याम्पको पाँचौँ संस्करण चैत २८ देखि वैशाख १८ गतेसम्म मूलपानी क्रिकेट रंगशाला र एकेडेमीको प्रांगणमा क्याम्प सञ्चालन गर्न लागेको नेक्सस क्रिकेट एकेडेमीले जनाएको छ ।
उक्त क्याम्पमा सहभागी हुन खेलाडीहरूले अनलाइन फारम भर्नुपर्ने छ । फारम भर्ने पहिलो २०० जनालाई क्याम्पमा सहभागी गराइने बताइएको छ । उक्त क्याम्पमा सहभागी खेलाडीलाई पाकिस्तानको पहिलो श्रेणीका खेलाडी रहिसकेका पाकिस्तान क्रिकेट बोर्डबाट लेभल १ गरेका प्रशिक्षक इम्तिहाज हुसेन र वरिष्ठ नेपाली प्रशिक्षकले ट्रेनिङ दिने बताउँदै हरेक खेलाडीलाई १० खेल खेल्ने अवसर प्रदान गर्ने नेक्ससका अध्यक्ष भरतकुमार शाहीले जानकारी गराउनुभयो ।
एसइई क्याम्प क्रिकेटका नवप्रतिभाको खोजी गरी नेपाली क्रिकेटलाई अब्बल खेलाडी सुम्पिने महत्वपूर्ण अभियान रहेको बताउँदै शाहीले एसइई क्याम्पबाटै नेपालको अण्डर नाइनटिन टिमका महत्वपूर्ण खेलाडी उत्तम थापा मगर र अण्डर सिक्सटिनका अशोक धामीलगायतका दर्जन खेलाडी जन्मिएको बताउनुभयो । निःशुल्क सञ्चालन हुने एसइई क्याम्पलाई सफल पार्न सहयोगका लागि सरोकारवाला सबैमा नेक्सस क्रिकेट एकेडेमीले अनुरोध गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच