धरान । धरान फुटबल क्लबले २४औँ बुढासुब्बा गोल्डकपमा विजयी सुरुवात गरेको छ । आयोजक धरान फुटबल क्लबले पाहुना टोली भारतको युकेएफसीलाई सडन डेथमा पराजित गरेको हो । जितसँगै धरान फुटबल क्लब सेमिफाइनलमा प्रवेश गरेको छ ।
खेलको ५९औँ मिनेटमा धरानका लागि मिलन राईले गोल गर्दै अग्रता दिलाउनुभएको हो । तर, युकेएफसीका लागि नयन प्रधानले ७३औँ मिनेटमा गोल गरेपछि खेल बराबरीमा पुगेको थियो ।
निर्धारित ९० मिनेटमा दुवै टिमबाट थप गोल नभएपछि पेनाल्टीमार्फत् विजेताको टुंगो लगाइएको थियो । पेनाल्टी सुटमा पनि समान ५-५ गोल भएपछि खेल सडन डेथमा पुगेको थियो । सडन डेथमा १०-९ गोलले धरानले जित निकालेको हो । खेलको प्लेयर अफ द म्याच धरानका गोलरक्षक सचिन श्रेष्ठ हुनुभयो ।
यता छैटौँ झापा गोल्डकपको फाइनलमा चर्च ब्वाइज युनाइटेड क्लब प्रवेश गरेको छ । आयोजक झापा-११ एफसीलाई पेनाल्टी सुट आउटमा ४–३ ले हराउँदै चर्च ब्वाइज युनाइटेड झापा गोल्डकपको फाइनलमा प्रवेश गरेको हो ।
निर्धारित ९० र अतिरिक्त १४ मिनेटमा गोल नभएपछि खेलको छिनोफानो पेनाल्टी सुट आउटमा भएको थियो । शहीद स्मारक ‘ए’ डिभिजन लिग विजेता चर्च ब्वाइज झापा गोल्डकपमा पहिलोपटक सहभागी हुँदै फाइनलमा प्रवेश गर्न सफल भएको हो ।
पेनाल्टी सुट आउटमा चर्च ब्वाइजका लागि सुरजजिउ ठकुरी, विजय भुजेल, अबयोमी अलुवासेउन फकुन्ले र गोलकिपर तथा कप्तान दीप कार्कीले गोल गर्नुभयो । चर्च ब्वाइजका सर्ज डिकाको प्रहार झापाका गोलकिपर सुदीप लिम्बूले बचाउनुभयो । झापाका लागि आदित्य शाक्य, विवेक पौडेल, आशिष चापागाईँले गोल गर्नुभयो भने प्रदीप बुढाथोकीको प्रहार पोस्टमा लागेर फर्कियो । विदेशी खेलाडी मार्क जुनियर हृयारिसनको प्रहार गोलकिपर दीप कार्कीले बचाउनुभयो ।
प्लेयर अफ दी म्याच चर्च ब्वाइजका गोलकिपर दीप कार्की बन्नुभयो । उहाँले मेडलसहित ११ हजार नगद पुरस्कार प्राप्त गर्नुभयो । आगामी सोमबार हुने उपाधि भिडन्तमा चर्च ब्वाइजले विभागीय टोली सशस्त्र प्रहरी बलको एपिएफ एफसीसँग प्रतिस्पर्धा गर्नेछ ।
प्रतियोगितामा ‘ए’ डिभिजन क्लबसहित नेपालका १० टिमको सहभागिता छ । उपाधि विजेताले नगद १३ लाख नगदसहित आकर्षक ट्रफी र उपविजेताले नगद सात लाख पाउनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच