काठमाडौंं । अर्थमन्त्रीमा वर्षमान पुनको नियुक्तिसँगै सेयर बजार निरन्तर बढ्दोक्रममा रहेको छ । मंगलबार पनि ५८.५८ अंकले बढेर नेप्से २१११.२४ अंकमा पुगेको छ । कारोबारमा आएका १३ वटै समूहगत सूचक बढेका छन् भने जीवन बिमाको परिसूचक सर्वाधिक ५.४४ प्रतिशतले बढेको छ । लघुवित्त ५.०५, बैंकिङ, होटल तथा पर्यटन र निर्जीवन बिमा उपसमूहको परिसूचक तीन प्रतिशतभन्दा बढीले बढेको छ ।
नेप्से वृद्धिसँगै यस दिन चार अर्ब ५५ करोड १६ लाख ३२ हजार तीन सय ४८ रुपैयाँको सेयर कारोबार भएको । तीन सय नौ कम्पनीका एक करोड छ लाख नौ हजार पाँच सय ९७ कित्ता सेयर खरिदबिक्री भएका छन् । अघिल्लो दिन आइतबार दुई अर्ब ९२ करोड २७ लाखको सेयर कारोबार भएको थियो ।
सबैभन्दा धेरै शिवम् सिमेन्ट्सको ३७ करोड १९ लाख बराबरको कारोबार भएको छ भने सोनापुर मिनरल्स २४ करोड नौ लाख, सन नेपाल लाइफ इन्स्योरेन्स १६ करोड ५२ लाख, हिमालयन रि इन्स्योरेन्स १५ करोड ७१ लाख र माउण्टेन इनर्जीको ११ करोड ११ लाख रुपैयाँ बराबरको सेयर कारोबार भएको छ ।
पाँच कम्पनीको सेयर मूल्य सकारात्मक सर्किट लेभलमा बढेर खरिदबिक्री भएको छ । जनउत्थान सामुदायिक लघुवित्त, उन्नति सहकार्य लघुवित्त, विन नेपाल लघुवित्त, स्वाभिमान लघुवित्त र जाल्पा लघुवित्तको सेयर मूल्य १० प्रतिशतले बढको हो ।
सपोर्ट माइक्रोफाइनान्स, नाडेप लघुवित्त र अभियान लघुवित्तको सेयर मूल्य पनि आठ प्रतिशतभन्दा बढी बढेको छ । तर, हिमालयन ८०-२० को इकाई मूल्य २.५७ प्रतिशतले घटेको छ भने मोलुङ हाइड्रोपावर २.५३, न्यादी हाइड्रोपावर २.४२, हाथवे इन्भेष्टमेन्ट २.३५ र चिरख्वा हाइड्रोपावरकोे सेयर मूल्य २.३४ प्रतिशतले घटेको छ । मंगलबार कुल बजार पुँजीकरण ३३ खर्ब १८ अर्ब ५४ करोड २२ लाख १२ हजार रुपैयाँमा समेटिएको छ । अघिल्लो दिन आइतबार कुल बजार पुँजीकरण ३२ खर्ब २६ अर्ब ४९ करोड ७९ लाख रुपैयाँ थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच