पोखरा । प्रधानमन्त्री पुष्पकमल दाहालले अनुशासन, प्रशासनिक खर्चमा मितव्ययिता, उत्पादकत्व वृद्धि र राजस्व चुहावटमा स्थायी नियन्त्रणबाट राष्ट्रको आर्थिक जीवन थप मजबुत बनाउन सरकार लागिरहेको बताउनुभएको छ । बाह्रखरी मिडियाद्वारा पोखरामा आयोजित ‘आमन्त्रण गल्फ प्रतियोगिता’ समापन समारोहमा उहाँले यस्तो बताउनुभएको हो । प्रधानमन्त्री दाहालले व्यवसायीलाई त्रसित नभई ढुक्क भएर लगानी गर्नसमेत आग्रह गर्नुभएको छ । नेपालमा केही छैन, केही हुँदैन भन्ने भाष्य परिवर्तन गर्नुपर्ने उहाँको भनाइ थियो ।
प्रधानमन्त्री दाहालले भन्नुभयो, ‘देशमा लगानीको वातावरण बनेको छ । अझ राम्रो वातावरण निर्माणका लागि सरकार यहाँहरूसँग सहकार्य गर्न तयार छ । पछिल्लो सत्ता सहकार्य फेरिएसँगै मैले गृहमन्त्री र अर्थमन्त्रीलाई राखेर व्यवसायीलाई काम गर्ने वातावरण बनाउन र अनावश्यक दुःख नदिन भनेको छु । नियम र कानुन पालना गरेर काम गरिरहेका कुनै पनि व्यवसायीले त्रसित हुनुपर्दैन ।’ देशका विभिन्न स्थानबाट सिधै पोखरा आउन हवाईमार्गले पहिलेभन्दा सहज भएको भन्दै उहाँले झापा, विराटनगर, चितवन, भैरहवा, नेपालगञ्ज र धनगढीबाट नियमित उडानका लागि सरकारले वातावरण बनाउने बताउनुभयो ।
अन्तर्राष्ट्रियस्तरको पोखरा विमानस्थल बनेर पनि सञ्चालनमा आउन नसकेको व्यवसायीको चिन्ताबारे आफू जानकार रहेको भन्दै प्रधानमन्त्री दाहालले उडान सञ्चालनका विषयमा निजी क्षेत्रले देखाएको चासो सम्बोधनका लागि पहल गर्ने आश्वासनसमेत दिनुभयो । सरकारले भारत र चीनका जहाज सिधै पोखरा आऊन् भन्ने चाहेको र आफूले सोहीअनुसार पहल गरिरहेको उहाँको भनाइ थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच