काठमाडौं । क्याम्ब्रिज र ब्रिटिस काउन्सिलले नेपालमा उत्कृष्ट क्याम्ब्रिज शिक्षार्थी पुरस्कार विजेताको नाम घोषणा गरेका छन् । पुरस्कार नोभेम्बर २०२२ र जुन २०२३ मा क्याम्ब्रिजमा सञ्चालित परीक्षाको शृंखलामा नेपालका माध्यमिक विद्यालयका विद्यार्थीको उत्कृष्ट शैक्षिक उपलब्धिका साथ दिइएकोे छ । ब्रिटिस काउन्सिलका अनुसार नेपालका ४३ विद्यार्थीले क्याम्ब्रिज इन्टरनेसनल एएस र ए लेभलको परीक्षामा उत्कृष्ट प्रदर्शन गरेकामा पुरस्कार पाएका हुन् । उत्कृष्ट क्याम्ब्रिज शिक्षार्थी पुरस्कार कार्यक्रमले विश्वका ४० भन्दा बढी देशमा क्याम्ब्रिज इन्टरनेसनल एजुकेसनद्वारा लिइएको परीक्षामा सहभागी विद्यार्थीको सफलतालाई पहिचान दिलाउनुका साथै सम्मान व्यक्त गर्छ ।
क्याम्ब्रिजबाट प्राप्त योग्यताले शिक्षार्थीलाई विश्वविद्यालय र त्यसभन्दा बाहिर चाहिने ज्ञान, बुझाइ र सीपद्वारा सुसज्जित पार्छ । ती मान्यता विश्वभरमा अग्रणी विश्वविद्यालयद्वारा मान्यता प्राप्त र प्रतिष्ठित छन् ।
क्याम्ब्रिजमा अन्तर्राष्ट्रिय शिक्षाका लागि दक्षिण एसियाका क्षेत्रीय निर्देशक महेश श्रीवास्तवले भन्नुभयो, ‘हामीले गर्ने हरेक कुराको केन्द्रबिन्दु क्याम्ब्रिज शिक्षार्थी हुन् । क्याम्ब्रिज शिक्षाको प्रत्येक तत्व-जस्तो पाठ्यक्रम, शिक्षण र सिकाइ, स्रोत र मूल्यांकन-शिक्षार्थीलाई उनीहरूमा लुकेर रहेको क्षमता हासिल गरी जीवनलाई सफलता तथा समृद्धिले अभिभूत गर्न राम्ररी डिजाइन गरिएको बताइएको छ । क्षेत्रीय परीक्षा निर्देशक हृयारिएट गार्डनरले दक्षिण एसियाको उद्घाटन कार्यक्रममा भन्नुभयो, ‘मैले विद्यार्थीका आँखामा उत्साह, जोस, महत्वाकांक्षा र सुन्दर भविष्यको प्रतीक्षा रहेको देखेँ । यसले मलाई हामीले किन परीक्षाका निम्ति अध्ययन र प्रयास गरिरहेका छौँ भन्ने कुराको स्मरण गराउँछ ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच