मेड इन नेपाल नाराका साथ चैत २२ देखि २६ गतेसम्म ललितपुरमा आयोजना हुने ललितपुर इन्टरनेसनल ट्रेड एक्स्पो २०२४ को तयारी पूरा भएको छ । जावलाखेल फुटबल मैदानमा हुने एक्स्पोमा मेड इन नेपाल प्याभिलियनमा विशेष आकर्षण रहने आयोजकले पत्रकार सम्मेलनमार्फत् जानकारी गराएको छ । ललितपुर चेम्बर अफ कमर्सको आयोजनामा हुने एक्स्पोमा नेपाल, भारत, पाकिस्तान, श्रीलंका, बंगलादेश, थाइल्याण्ड, टर्की, मलेसिया, दक्षिण कोरियालगायतका देशमा उत्पादित विविध वस्तु तथा मौलिक उत्पादन र सेवासम्बन्धी सामान रहने आयोजकले जनाएको छ ।
ललितपुर महानगरपालिका सहआयोजक, नेपाल चेम्बर अफ कमर्स र जावलाखेल युथ क्लबको सहयोगमा सञ्चालन हुने एक्स्पोमा फर्निचर, छालाबाट बनाइएका वस्तु, हस्तकलाका सामग्री, लत्ताकपडा, सारी, कुर्था, बेडसिट, जुत्ता–चप्पल, नक्कली गरगहनालगायत रहने ललितपुर चेम्बर अफ कमर्सका अध्यक्ष पुष्परत्न शाक्यले बताउनुभयो । आयोजकका अनुसार एक्स्पोमा मेड इन ललितपुरको पेभिलिन पनि रहनेछ ।
सार्क राष्ट्रबीचको कला संस्कृति र रीतिरिवाज आदानप्रदानमा महत्वपूर्र्ण भूमिका खेल्न र आर्थिक गतिविधिमा सहयोग पु¥याउने अमूर्त सम्पदा र कला संस्कृतिको प्रस्तुतिमा कुमारी नाच, भैरव, योगिनी, सप्तलोचनी र ताराको नृत्य प्रस्तुत गरिने इन्ट्रोडक्सन ट्रेड शोका मेनेजिङ डाइरेक्टर सुमन महर्जनले बताउनुभयो । एक्स्पोका अन्य आकर्षणमा विभिन्न देशका खानाका विभिन्न स्वादका फुड स्टल, साना बालबालिकाका लागि गेमिङ जोन, फोटो सुट, विविध सांस्कृतिक कार्यक्रमलगायत पाकिस्तान, भारत, थाइल्याण्ड, टर्की, मलेसिया, बंगलादेश र नेपालका उत्कृष्ट उत्पादनका सयभन्दा बढी स्टलहरू रहने एक्स्पो संयोजक सुनिल विष्टले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच