काठमाडौं । राष्ट्रिय जनसांस्कृतिक महासंघ, नेपाल केन्द्रीय समितिको आयोजनामा बृहत् सांस्कृतिक साँझ आयोजना हुने भएको छ । नयाँ वर्ष २०८१ को पूर्वसन्ध्यामा महासंघले ‘शुभकामना सांस्कृतिक साँझ-२०८०’ आयोजना गर्न लागेको हो ।
महासंघका अध्यक्ष प्रेमनाथ अधिकारीका अनुसार महासंघको इतिहासमा आठ वर्षपछि यसप्रकारको बृहत् सांस्कृतिक कार्यक्रम आयोजना हुन लागेको हो । ‘नेपाली मौलिक संस्कृति तथा जनवादी गीतसंगीतको संरक्षण तथा संवद्र्धन गर्ने उद्देश्यसहित आयोजना हुने उक्त बृहत् सांस्कृतिक साँझमा अग्रज तथा समकालीन पुस्ताका ख्याति प्राप्त जनकलाकारहरूको आकर्षक प्रस्तुति रहनेछ,’ अध्यक्ष अधिकारीले भन्नुभयो ।
महासंघका कार्यबाहक महासचिव संगीतकार अशोक राईले पुराना जनगीत-संगीतका साथमा मौलिक नेपाली संस्कार, संस्कृति र प्रकृति झल्किने हिमाल, पहाड र तराईमधेसमा प्रचलित सांस्कृतिक तथा सांगीतिक प्रस्तुति हुने जानकारी गराउनुभयो ।
रामप्रसाद अवस्थीको संयोजकत्व तथा पदम रोकायको व्यवस्थापनमा चैत ३० गते आयोजना हुने उक्त साँझमा नेकपा एमालेका अध्यक्ष केपी शर्मा ओली प्रमुख अतिथिका रूपमा सहभागी हुने महासंघले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच