काडमाडौं । प्रमुख प्रतिपक्ष दल नेपाली काँग्रेसकी सचेतक एवं सांसद सुशील थिङले बाल सुधार गृहमा पठनपाठनको पनि व्यवस्था मिलाउन सरकारसँग माग गर्नुभएको छ ।
युसेपले सञ्चालनमा ल्याएका बाल सुधार गृहमा पठनपाठनको व्यवस्था भएको उल्लेख गर्दै उहाँले सरकारले सञ्चालनमा ल्याएका बाल सुधार गृहमा पनि पठनपाठनको व्यवस्था तत्काल मिलाउन सरकारसँग माग गर्नुभएको हो । आईतबार प्रतिनिधि सभा बैठकमा बोल्दै उहाँले बाल सुधार गृह बाल सुधार हुने खालको नभएको औंल्याउँदै त्यसको भौतिक संरचनामा नै सुधार गर्न पनि सरकारलाई सचेत गराउनु भयो । सचेतक थिङले क्षमताभन्दा बढी बालबालिकाहरु सुधार गृहमा राख्ने काममा सरकार आफैँ संलग्न भएको आरोप समेत लगाउनु भयो ।
उहाँले भन्नुभयो, ‘५० जना क्षमता भएको ठाउँमा २२२ जना बालकहरु रहेका छन् । त्यसमा ११८ जना १८ वर्ष माथिका बालकहरु रहेका छन् । अब हामीलाई थाहा छ । विगतमा बाल सुधार गृहहरुमा घटना घटेको । अब ती बालकहरुलाई तत्काल नेपाल सरकारले अलग नराखेमा त्यहाँ धेरै घटनाहरु घट्न सक्नेछ भन्ने कुरा बुझन जरुरी छ । त्यसकारण म नेपाल सरकारलाई के भन्न चाहन्छु भने यो विषयमा गम्भिर ध्यान जाओस् । अर्को कुरा पनि म के भन्न चाहन्छु भने बाल सुधार गृहमा रहेका बालकहरु कसरी बसेका छन् भन्दा सानो कोठामा खाटमुनि पनि सुतिरहेको अवस्था छ । यस्तो अवस्थामा बाल सुधार गृह बन्न मिल्छ ? नेपाल सरकारले तत्काल बाल सुधार गृहको भौतिक संरचना नबदल्ने हो भने यो सुधार गृह हुनेवाला छैन । त्यसकारण मैले आज यो कुरा उठाइरहेको छु । नेपालमा जम्मा ८ वटा बाल सुधार गृह छन् । त्यसमा नेपाल सरकारबाट संचालित ४ वटा सुधार गृह छन् । र युसेपबाट संचालित ४ वटा रहेकोमा त्यहाँ विद्यालयसहितको सुविधा छ भने नेपाल सरकारबाट सञ्चालित सुधार गृहमा त्यो छैन । त्यसकारण यो विषयमा पनि बाल सुधार गृहमा तत्काल विद्यालय पनि संचालन गर्नुपर्छ भन्ने माग राख्न चाहन्छु ।’
सचेतक थिङले विद्यमान बाल सुधार गृहको संरचना नबदल्ने हो भने त्यसलाई सुधार गृह भन्न मिल्ने अवस्था नरहेको जिकिर पनि गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच