काठमाडौं । चलचित्र ‘खजुरे ब्रो’को गीत ’लभ गर्ने मान्छे’ सार्वजनिक भएको छ । भट्टीको सेटिङमा तयार पारिएको गीतको भिडियोमा चलचित्रका प्रमुख पात्र ‘खजुरे’ बन्नुभएका रियर राई तथा महेश त्रिपाठीका साथमा अन्य कलाकारहरू फिचर हुनुहुन्छ । सार्वजनिक गीतमा अनमोल गुरुङको शब्द तथा संगीत छ । यस्तै गीतमा संगीतकार अनमोल र अनुपम गुरुङसँगको संयूक्त स्वर छ ।
वैशाख २८ गतेदेखि सिनेमाघरमा आउने तयारीमा रहेको चलचित्रका लेखक-निर्देशक सुरज सुनुवार हुनुहुन्छ । यही चलचित्रबाट नीतिले नेपाली रजतपटमा डेब्यु गर्दै हुनुहुन्छ ।
चलचित्रमा नीति, रेयर तथा महेशका अलावा नवीन मानन्धर, प्रकाश भुजेल, बिनिता थापामगर, सुष्मा निरौला, पुस्कर कार्की, मनिष राउत, प्रेम सुब्बा, सुजाता राई, शान्तिला तामाङ, पवन लिम्बू, दीपचन्द्र राई (कान्छी)लगायतको अभिनय छ ।
दिव्य दृश्य इन्टरटेन्मेन्टले मान्द्रो प्रोडक्सन तथा मल्टी प्रपोज प्रालिसँगको सहकार्यमा निर्माण भएको चलचित्रका निर्माता नवीन मानन्धर तथा सुरज सुनुवार हुनुहुन्छ । अनिल मानन्धर र पिकेश मानन्धर यसका सहनिर्माता हुनुहुन्छ भने डायमण्ड उप्रेती कार्यकारी निर्माता रहनुभएको छ । शिशिर विशंखेको छायांकन र मित्र डि गुरुङको सम्पादन रहेको चलचित्रमा अनमोल गुरुङ संगीतकार हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच