काठमाडौं । नागरिक उन्मुक्ति पार्टीभित्रको विवाद चरम उत्कर्षमा पुगेको छ ।
यसैबीच पार्टी बैठकमा पार्टी अध्यक्ष श्रीमती रञ्जिता चौधरी पक्षधरका नेताहरूलाई श्रीमान रेशम चौधरी पक्षधरले कुटपिट समेत भएको छ।
अनामनगरस्थित पार्टी केन्द्रीय कार्यालयमा बैठक बसिरहेका बेला नेताहरुबीच कुटाकुट भएको हो ।
विवादका क्रममा टिकापुरका मेयर रामलाल डगौरा र नेता रमेश विकमाथि हातपात भएको हो। उहाँहरू दुवैजना रन्जिता पक्षका हुनुहुन्छ ।
नागरिक उन्मुक्तिमा केन्द्र र सुदूरपश्चिम प्रदेश सरकारमा सहभागिताका विषयमा विवाद छ । रन्जिता अहिलेको सत्ता गठबन्धनमा जानुपर्ने पक्षमा हुनुहुन्छ भने रेशम जान नहुने पक्षमा हुनुहुन्छ । डगौराले रेशम चौधरीको उपस्थितिमा नै आफूमाथि कुटपिट भएको बताउनुभएको छ ।
निर्वाचन आयोगले रेशम चौधरीलाई पार्टी अध्यक्षको मान्यता नदिएपछि नाउपाभित्रको विवाद चरम उत्कर्षमा पुगेको हो ।
यसैबीच नाउपाका संस्थापक केन्द्रीय सदस्य रमेश बिकले आफूलाई नेता रेशम चौधरीले आइतबार एउटा छलफलमा आफूलाई हत्या पनि हुन सक्छ भनेर धम्की दिएको समेत आरोप लगाउनु भएको छ । ‘हिजो हामी रेशम दाइलाई पार्टी कार्यालयमा भेट्न जाँदा त्यो मिटिङमा टीकापुर नगरपालिकाका मेयर साब, वडा नं ४ का वडाध्यक्ष, वडा नं ५ का वडाध्यक्ष संयुक्त रुपमा बसेका थियौं ।' उहाँले भन्नुभयाे ।
उहाँले सुदूरपश्चिममा कमलबहादुर शाहको सरकार ढल्यो भने तिमीहरुको हत्या पनि हुन सक्छ भनेको र आज आफूमाथि भौतिक आक्रमण भएको सोमबार रिपोर्टस क्लबको पत्रकार सम्मेलनमा बताउनु भयाे ।
उहाँले भन्नुभयो, ‘हामी मिटिङमा सहभागी हुन अनामनगरस्थित पार्टी कार्यालयमा पुग्यो । संस्थापक केन्द्रीय समस्य भनिएको थियो । २१ जनालाई बोलाइएको थियो । महाधिवेशनलाई निर्वाचन आयोगले अवैधानिक भनेपछि २१ जनालाई नै यो पार्टी चलाउने आधिकारिकता दिएको छ । यो पार्टीलाई निकास दिनुपर्छ भनेर संस्थापक केन्द्रीय समस्यको बैठक थियो । माननीय अध्यक्ष आउन ढिला भयो । उहाँ आउनुभन्दा पहिले नै केही अनौपचारिक छलफल हुने क्रममा ढोकामा चुक्कुल लगाएर, एउटा रुपको ढोकाको मात्रै चुक्कुल लागइएको थिएन कि बाहिरिने मेन गेट पनि बन्द गरेर ममाथि भौतिक आक्रमण भयो ।’
कसैले कुटपिट गरेको खण्डमा, कही दुर्घटना भएको खण्डमा र जुनसुकै घटना भएमा रेमश चौधरीले यसको जिम्मा लिनुपर्ने उहाँको भनाइ छ । उहाँले यस विषयमा वर्तमान गृहमन्त्री रवि लामिछानेको ध्यानाकार्षण गराउनु भयो ।
यता रेशम चौधरीले भने पार्टीकाे निर्णय नमान्ने हाे भने पार्टीमा बस्न पाइँदैन मात्र भनेको दावी गर्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच