लण्डन । मलोर्कालाई टाइब्रेकरमा पराजित गर्दै एथलेटिको बिल्वाओ ४० वर्षपछि कोपा डेल रेको च्याम्पियन बनेको छ । बिल्वाओले टाइब्रेकरमा ४-२ को जित निकाल्दै कोपा डेल रेको च्याम्पियन बनेको हो । निर्धारित समयमा १-१ र त्यसपछि अतिरिक्त समयमा पनि गोल निस्कन नसकेपछि खेल टाइब्रेकरमा लम्बिँदा बिल्वाओ सफल रहृयो ।
टाइब्रेकरमा बिल्वाओका राहुल गार्सिया, इकर मुनिएन, मकेल भेस्गा र एलेक्स बेरेनगुएरले गोल गर्नुभयो । मलोर्काका भिडाट मुरिकी र एन्टोनियो सान्चेजले मात्रै गोल गर्न सफल हुनुभयो । मनु मोरलेन्स र नेमान्जा राडोनजिकले गोल गर्न सक्नुभएन ।
त्यसअघि सेभियामा शनिबार राती भएको खेलमा २१औँ मिनेटमा ड्यानियल रोड्रिग्वेजको गोलबाट मलोर्काले अग्रता लिन सफल भएको थियो । ५०औँ मिनेटमा ओइहान सान्सेटले बराबरी गोल फर्काएपछि खेल अतिरिक्त समय र टाइब्रेकरमा लम्बिएको थियो ।
बिल्वाओको यो समग्रमा २४औँ कोपा डेल रे उपाधि हो । बिल्वाओ ४० वर्षपछि कोपा डेल रेको च्याम्पियन बन्न सफल भएको हो । यसअघि बिल्वाओले सन् १९८३-८४ को सिजनमा उपाधि जितेको थियो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच