काठमाडौं । पाँचौँ राष्ट्रिय योग खेलकुद प्रतियोगितामा अधिराज्यभरिका २१३ योग खेलकुदका खेलाडीहरूमध्येबाट कञ्चनपुरका रोशन विष्ट मिस्टर योगी र उदयपुरकी मीनाकुमारी मिस योगी हुनुभएको छ । अन्य सहभागीहरूमध्येबाट ९ देखि ११ वर्ष उमेर समूह पुरुषतर्फ प्रथम सुशान्त गजुरेल, दोस्रो किरण मगर र तेस्रो आशिष तामाङ हुनुभएको छ । सोही उमेर समूहमा महिलातर्फ प्रथम सोमिया कार्की, दोस्रो नुरिता तामाङ र तेस्रो संरचना पुरी हुनुभएको छ ।
१२ देखि १४ वर्ष उमेर समूहको पुरुषतर्फ प्रथम जय चौधरी, दोस्रो दिप्सन पौडेल र बबिन शर्मा तेस्रो स्थानमा रहनुभएको थियो । सोही उमेर समूहमा प्रथम स्वेच्छा थापा, दोस्रो दीक्षा धिमाल र तेस्रो स्मृति श्रेष्ठ हुनुभएको छ ।
१५ देखि १७ वर्ष उमेर समूहमा पुरुषतर्फ प्रथम बुद्ध गुरुङ, दोस्रो विवेक यादव र तेस्रो सुन्दर सार्की हुनुभएको छ । १५ देखि १७ वर्ष उमेर समूहमा महिलातर्फ प्रथम चाँदनी परियार, दोस्रो प्रज्ञा गौतम र तेस्रो समता ओडारी हुनुभयो । १८ देखि ३५ पुरुषतर्फ प्रथम रोशन विष्ट, दोस्रो आङछिरिङ शेर्पा र तेस्रो भरतकुमार बजगाईं हुनुभयो । सोही उमेर समूहमा महिलातर्फ प्रथम मिनाकुमारी रावत, दोस्रो विसिका ढकाल र तेस्रो सुनिता तामाङ हुनुभयो ।
३६ देखि ४९ उमेर समूहमा पुरुषतर्फ प्रथम निलकमल रोय, दोस्रो रामशरण दाहाल र तेस्रो नवराज ढुंगाना हुनुभएको छ । यस्तै, सोही उमेर समूहमा महिलातर्फ प्रथम जानुका भट्टराई, दोस्रो रेनुका गुरुङ र तेस्रो टंकमाया रेग्मी हुनुभएको छ । ५० माथि उमेर समूहमा पुरुषतर्फ प्रथम कमलबहादुर रेवत, दोस्रो योगप्रसाद आचार्य र तेस्रो कृष्णबहादुर न्यौपाने हुनुभयो भने सोही उमेर समूहमा महिलातर्फ प्रथम सन्जना भट्टराई, दोस्रो ललिताकुमारी बछा र तेस्रो जीना श्रेष्ठ हुनुभयो ।
राष्ट्रिय खेलकुद परिषद्का बोर्ड सदस्य प्रकाश कुसरीको प्रमुख आतिथ्यतामा उद्घाटन भएको उक्त प्रतियोगिताको समापन समारोहमा प्रमुख अतिथि राखेपका पूर्व सदस्य-सचिव केशवकुमार विष्ट, नेपाल योग खेलकुद संघका अध्यक्ष प्राडा सूर्यबहादुर कार्की, सुदूरपश्चिम योग खेलकुद संघका अध्यक्ष गीता सोराडीलगायतले विजेता खेलाडीहरूलाई पदक तथा नगद पुरस्कार प्रदान गर्नुभएको थियो ।
पुरुष ९ देखि ११ वर्षसम्म ३५, सोही समूहमा महिलातर्फ ४९, पुरुष १२ देखि १४ वर्षसम्म २६ जना, सोही उमेर समूहमा महिलातर्फ ५१ जना, १५ देखि १७ उमेर समूहमा पुरुष पाँच र महिला ६ जना, १८ देखि ३५ वर्ष समूहमा पुरुषतर्फ पाँच र महिलातर्फ चारजना, ३६ देखि ४९ उमेर समूहमा पुरुष तीन, महिलातर्फ सातजना, ५० वर्ष उमेरमाथि समूहमा पुरुषतर्फ नौ र महिलातर्फ तीनजना गरी जम्मा २१३ योग खेलका खेलाडीहरूको सहभागिता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच