इस्लामावाद । पाकिस्तानी क्रिकेटमा विवाद कुनै नौलो कुरा होइन । खासगरी ठूलो प्रतियोगिता हुनुअघि पाकिस्तान क्रिकेटमा फेरि हंगामा मच्चिएको छ । फाष्ट बलर मोहम्मद आमिरलाई लिएर पछिल्लो समय पाकिस्तान क्रिकेटमा विवाद बढेको हो ।
दुई साताअघि ३२ वर्षीय आमिरले पाकिस्तान क्रिकेट बोर्ड (पिसिबी)सँग सम्झौता गरेर सन्यासबाट फर्कने घोषणा गर्नुभएको थियो । उहाँलाई न्युजिल्याण्डविरुद्धको घरेलु टी-२० सिरिजका लागि १७ सदस्यीय टोलीमा समावेश गरिएको थियो ।
पिसिबीले पाकिस्तान सुपर लिग (पिएसएल) मा गरेको प्रदर्शनका आधारमा मोहम्मद आमिर र इमाद वासिमसहित केही अनक्याप्ड खेलाडीलाई टोलीमा फिर्ता बोलाएको हो । पाँच खेलको शृंखला अप्रिल १८ बाट सुरु हुनेछ । यो रावलपिण्डी र लाहोरमा खेलाइनेछ । मोहम्मद आमिरले पाकिस्तानका लागि तेस्रो डेब्यु गर्नुहुनेछ ।
आमिर झण्डै तीन वर्षदेखि अन्तर्राष्ट्रिय क्रिकेटबाट बाहिर हुनुहुन्छ । उहाँले पछिल्लो पटक सन् २०२० मा अन्तर्राष्ट्रिय क्रिकेटमा पाकिस्तानको प्रतिनिधित्व गर्नुभएको थियो । अन्तर्राष्ट्रिय क्रिकेटबाट सन्न्यास लिएपछि उहाँले टी-२० लिगमा ध्यान दिने निर्णय गर्नुभएको थियो । अब तीन वर्ष आठ महिनाको अन्तरालपछि उहाँ फेरि पाकिस्तानबाट खेल्नुहुने भएको हो ।
पाकिस्तानी टोलीमा उहाँको पुनरागमनलाई लिएर मत विभाजन भएको छ । पाकिस्तानी टोलीका पूर्वकप्तान मोहम्मद हफिजले पिसिबीको निर्णयको कडा आलोचना गर्नुभएको छ । घरेलु क्रिकेटमा मिहिनेत गर्ने खेलाडीलाई बोर्डले प्राथमिकता नदिएकोमा उहाँको असन्तुष्टि छ । पाकिस्तानको राष्ट्रिय छनोट समितिका सदस्य वाहब रियाजले भने निर्णयको बचाउ गर्नुभएको छ ।
उहाँ खतरनाक बलर मानिनुहुन्छ । भारतीय क्रिकेट टोलीले २०१७ च्याम्पियन्स ट्रफीको फाइनललाई कहिल्यै बिर्सन सक्दैन । आफ्नो पहिलो स्पेलमा आमिरले रोहित शर्मा, विराट कोहली र शिखर धवनको विकेट लिनुभएको थियो ।
पाकिस्तानले दिएको ३३९ रनको लक्ष्य पछ्याउँदै विराट कोहलीको भारतीय टोलीले १५८ रनमात्रै बनाउन सकेको थियो । मोहम्मद आमिरले १६ रनमा तीन विकेट लिएर आफ्नो टोलीलाई च्याम्पियन बनाउन महत्वपूर्ण भूमिका खेल्नुभएको थियो । सन् २००९ मा इग्ल्याण्डविरुद्ध १७ वर्षको उमेरमा आमिरले सनसनीपूर्ण डेब्यू गर्नुभएको थियो । त्यही वर्ष पाकिस्तानले टी-२० विश्वकप जितेको थियो । अन्तर्राष्ट्रिय क्रिकेटमा फर्किएदेखि आमिरले २२ टेस्ट, ४६ एकदिवसीय र ३२ टी-२० खेल खेल्नुभएको छ र तीन ढाँचामा क्रमशः ६८, ५६ र ३६ विकेट लिनुभएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच