काठमाडौं । अख्तियार दुरुपयोग अनुसन्धान आयोगले गुणस्तर तथा नापतौल कार्यालय, वीरगञ्जका पूर्ववरिष्ठ निरीक्षक शशिभूषण कुमार यादवविरुद्ध झन्डै साढे चार करोड भ्रष्टाचारको मुद्दा दायर गरेको छ । यादवले चार करोड ४७ लाख ३४ हजार २१२ रुपैयाँ गैरकानूनी सम्पत्ति आर्जनगरी भ्रष्टाचार गरेको भन्दै अख्तियारले विशेष अदालतमा मुद्दा दायर गरेको हो ।
यादवले नोकरी अवधिभर विभिन्न कार्यालयमा कार्यरत रहँदा आफ्नो परिवारको नाममा जग्गा जमिन खरिद गरी गैररकानूनी रूपमा अकुत सम्पत्ति आर्जन गरेको खुलेको हो ।
यादवले सार्वजनिक सेवा प्रवेश गरेको मिति २०४६ जेठ ८ गते देखि २०७९ साल असार मसान्तसम्मको अवधिमा सात करोड २४ लाख ५६ हजार २६३ रुपैयाँ आर्जन गरेका थिए । जसमध्ये चार करोड ४७ लाख रुपैयाँको स्रोत खुल्न नसकेको अभियोगपत्रमा उल्लेख छ ।
यादवले सार्वजनिक सेवाको पदमा रहँदाका बखत गैरकानूनी रूपमा सम्पत्ति आर्जन गरेको स्रोत नखुल्ने सम्पत्तिबाट श्रीमती रिता रानी, छोराद्वय विकास यादव र अविनास यादवको नाममा खरिद गरिएका जग्गा, घर निर्माण र बैंक मौज्दातको स्रोत नखुलेको सम्पत्ति र त्यसबाट बढे/बढाएको सम्पत्तिको जफत गर्न मागदाबी गरेको छ ।
अख्तियारले उनको पत्नी रिता रानी र छोराहरू अविनास यादव र विकास यादवलाई पनि प्रतिवादी कायम गरी मुद्दा दायर गरेको अख्तियारका प्रवक्ता भोला दाहालले जनाउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच