काठमाडौं । मधेश प्रदेशले वीर गणेशमान सिंह राष्ट्रिय क्रिकेट च्याम्पियनसिपमा बागमती प्रदेशलाई पराजित गरेको छ । मंगलबार सम्पन्न खेलमा बागमतीलाई मधेशले ६ विकेटले पराजित गरेको हो । बागमतीले दिएको १४२ रनको लक्ष्य मधेशले १७ ओभरमा ४ विकेट गुमाउँदै पूरा गर्यो । मधेशका साहिल पटेलले सर्वाधिक ६७ रन बनाउनुभयो । ४९ बलमा उहाँले ४ चौका र ४ छक्का प्रहार गर्नुभयो ।
रोहन विक ३२ र मयंक यादव २३ रनमा आउट हुँदा कप्तान राहुल मण्डल १४ रनमा अविजित रहनुभयो । बागमतीका सुवास खत्री, गौतम केसी र सोनु देवकोटाले १/१ विकेट लिनुभयो । त्यसअघि माथिल्लो मूलपानी क्रिकेट मैदानमा टस हारेर पहिला ब्याटिङ थालेको बागमतीले निर्धारित २० ओभरमा ८ विकेट गुमाउँदै १४१ रन बनायो ।
बागमतीका शुभ कंसाकारले सर्वाधिक ४३ रन बनाउनुभयो । उहाँले ३ चौका र २ छक्का प्रहार गर्नुभयो । आशुतोष घिरौया ३७, रविन जोशी १३, कप्तान रित गौतम १३ र उत्तम मगर १२ रनमा आउट हुँदा रामनरेश गिरी ७ र सुवास खत्री २ रनमा अविजित रहनुभयो ।
मधेशका अभिषेक तिवारी, रूपेश सिंह र विशाल पटेलले २/२ विकेट लिनुभयो । रञ्जित कुमार र प्रदीप पासवानको नाममा १/१ विकेट रहृयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच