काठमाडौं । इन्डियन प्रिमियर लिग (आईपिएल) अन्तर्गत बुधबार राति भएको खेलमा दिल्ली क्यापिटल्सले शानदार जित निकालेको छ। गुजरात टाइटले दिएको ९० रनको चुनौती दिल्लीले ४ विकेटको क्षतिमा ६७ बल बाँकी हुँदै भेट्टाएको हो।
टस जितेको दिल्लीले गुजरातलाई सुरुमा ब्याटिङको निम्तो दिएको थियो। गुजरातको ब्याटिङ नचल्दा १७.३ ओभरमा सबै विकेट गुमाएर ८९ रन मात्र बनाएको हो।
गुजरातका लागि रासिद खानले सर्वाधिक ३१ रन जोडे। साई सुदर्शन १२ रनमा आउट हुँदा राहुल तेवाटिया १० रनमा समेटिए। अन्य कुनै पनि ब्याट्सम्यानले दोहोरो अंक जोड्न सकेनन्।
गुजरातको इनिङलाई कमजोर पार्न दिल्लीका लागि मुकेश कुमारले तीन विकटे लिए। इशान शर्मा र ट्रिस्टन स्टब्सले समान दुईदुई विकेट हात पारे भने खलील अहमद र अक्षर पट्टेलले एकएक विकेट लिए।
९० रनको लक्ष्य पछ्याएको दिल्लीका लागि जेक फ्रेजर म्याकगुर्कले २० रन जोडे। साई होप १९, कप्तान ऋषभ पन्त नटआउट १६ र सुमित कुमार नटआउट ९ रनमा समेटिए। दिल्लीले ८.५ ओभरमा ४ विकेटको क्षतिमा ९४ रन बनाएको हो।
यो जितसँगै दिल्ली अंक तालिकाको छैठौं स्थानमा उक्लिएको छ। उसले सात खेलमा ६ अंक जोडेको छ। समान ६ अंकमा रहेको गुजरात भने रनरेटको आधारमा सातौं स्थानमा झरेको छ।
आईपिएल अन्तर्गत बिहीबार पञ्जाब किंग्स र मुम्मबई इन्डियन्सको प्रतिस्पर्धा हुनेछ। यो खेल साँझ ७ः४५ मा सुरु हुनेछ।
यो पनि पढ्नुहोस्
एसिसी प्रिमियर कप : नेपालको अपराजित यात्रा कायमै
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच