काठमाडौं । चौथो हिमालयन हाइड्रो एक्स्पो बुधबारदेखि काठमाडौंको भृकुटीमण्डपमा सुरु हुँदैछ । १४ गतेसम्म सञ्चालन हुने एक्स्पोको पहिलो बिहान स्काइ टावरदेखि विद्युतीय सवारीसाधनको र्याली सुरु हुने स्वतन्त्र ऊर्जा उत्पादकहरूको संस्था (इप्पान) ले जनाएको छ । ¥यालीमा तीन सयभन्दा बढी विद्युतीय सवारीसाधन रहने इप्पानका अध्यक्ष गणेश कार्कीले जानकारी दिनुभएको छ । ऊर्जा, जलस्रोत तथा सिँचाइमन्त्री शक्तिबहादुर बस्नेतले इभी र्याली उद्घाटन गर्ने एक्स्पो संयोजक भरत खत्रीले जानकारी दिनुभएको छ ।
स्काइ टावरबाट वानेश्वर हुँदै कोटेश्वर, सातदोबाटो, एकान्तकुना हुँदै कुपण्डोल, लैनचौरबाट प्रधानमन्त्री कार्यालय घुमेर भृकुटीमण्डपमा अन्त्यसँगै एक्स्पोको शुभारम्भ गर्ने कार्यक्रम रहेको पनि उहाँले बताउनुभयो । आयोजकका अनुसार एक्स्पोको अवसरमा ऊर्जाको क्षेत्रमा लगानी किन गर्ने, फाइदा र समस्याहरू के-के छन् ? भन्नेबारेमा विभिन्न चरणमा छलफल हुनेछन् । बिहीबार राष्ट्रपति रामचन्द्र पौडेलले एक्स्पो उद्घाटन गर्ने कार्यक्रम रहेको छ । एक्स्पोमा उच्चस्तरीय बिजनेस मिटिङ आयोजना हुनेछ । जसमा भारतका प्रतिष्ठित अडानी ग्रुप, पिटिसीलगायतका कम्पनीका प्रतिनिधिसँग छलफल हुनेछ । आयोजकका अनुसार एक्स्पोमा हालसम्म १२ भन्दा बढी देशका सयभन्दा धेरै स्टलको बुकिङ सम्पन्न भइसकेको छ ।
ऊर्जा, जलस्रोत तथा सिँचाइ मन्त्रालय र लगानी बोर्ड नेपालको संरक्षकत्वमा आयोजना हुने हाइड्रो एक्स्पोको कन्ट्री पार्टनरमा भारतीय राजदूतावास रहेको छ । सन् २०३५ सम्ममा सरकारले लिएको २८ हजार पाँच सय मेगावाट विद्युत् उत्पादनको योजना सफल बनाउन पनि एक्स्पोले भूमिका खेल्ने आयोजकको दाबी छ । नेपालमा लगानी गर्ने राम्रो वातावरण रहेको सन्देश विदेशी लगानीकर्तालाई दिन आवश्यक रहेको भन्दै अध्यक्ष कार्कीले एक्स्पोले सरकारले गरेको लगानी सम्मेलनलाई पनि धेरै ठूलो सहयोग पुग्ने बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच