काठमाडौं । नेकपा एकीकृत समाजवादीका अध्यक्ष माधव नेपालले राष्ट्रिय राजनीतिमा जुनसुकै बेलामा जेसुकै हुनुपर्ने अवस्था रहेको बताउनुभएको छ । केन्द्रीय कमिटी बैठकलाई सम्बोधन गर्दै उहाँले संघमा मात्रै नभएर सुदूरपश्चिम, मधेश र बागमती प्रदेशमा के होला ? भन्ने भइरहेको बताउनुभयो । नेपालले भन्नुभयो, ‘राष्ट्रिय राजनीतिमा अहिले नै के हुन्छ भन्ने कुराले प्रभावित पारिरहेको छ, सुदूरपश्चिम, मधेश र बागमती प्रदेशमा के होला ? आजको सदनमा कांग्रेसले राष्ट्रपतिलाई नीति तथा कार्यक्रम वाचन गर्न दिने, राष्ट्रपतिले वाचन गरेपछि टेबुल गर्ने र छलफल गरेपछि पास गर्ने कुरा हुन्छ । यी सबै कुरामा जटिलता आउनसक्छ, सरकारले कसरी हेरिरहेको छ ? सत्ताधारी र विपक्षी दलहरूले कसरी आफ्नो कुरा अगाडि बढाइरहेका छन्, हामीले जानकारी लिनुपर्छ ।’
उहाँले सत्ता समीकरणमा आफूहरूलाई बेवास्ता गरेको भन्दै सरकारमा बस्ने/नबस्ने भन्ने जुनसुकै बेलामा निर्णय गर्नुपर्ने हुनसक्ने संकेत गर्नुभयोे । ‘हाम्रो पार्टीलाई बेवास्ता गर्ने गरिएको छ, संसद् चल्ने/नचल्ने विषयमा हुने वार्ता हामीले पत्रपत्रिकाबाट थाहा पाउनुपर्ने अवस्था छ, हामीलाई जानकारी पनि गराइँदैन । यी सबै पीडा र वेदना आफ्ना ठाउँमा छन् । यी पीडा र वेदनाले हामीलाई कहाँ पुर्याउने हो ?’, नेपालले भन्नुभयोे, ‘सत्ताको निम्ति मरिहत्ते गरेर बस्ने हो कि ? स्वतन्त्र स्वाभिमानलाई ध्यान राखेर अगाडि बढ्ने हो ? भनेर हामीले सोच्नुपर्ने अवस्था छ । यसका लागि दिनदिनको परिस्थितिलाई ध्यानमा राखेर निर्णय गर्ने हिसाबले अघि बढ्नुपर्ने हुन्छ ।’ उहाँले सरकारको नीति तथा कार्यक्रम निर्माणमा पनि आफूहरूलाई कुनै जानकारी नगराइएको गुनासो गर्नुभयोे ।
‘राजीनामा नदिएको भए उपेन्द्रलाई गलहत्याउने तयारी थियो’
नेपालले उपेन्द्र यादव नेतृत्वको जसपा नेपाल विभाजित गराइएको दाबीसमेत गर्नुभयो । उहाँले अहिलेको सरकार र समीकरण कहिले कता जान्छ भन्ने टुंगो नभएको बताउनुभयो । उहाँले भन्नुभयो, ‘निर्वाचन पछिको गठबन्धन यो संसद् कार्यकालभरि जाला भनेको, समाजवादी मोर्चाको घटक जसपा नेपाल विभाजित भयो, विभाजित गरियो । विभाजित गरिएको मात्रै होइन, सरकारबाट पनि उनलाई निकालियो, तपाईँलाई लाग्ला आफैँ राजीनामा दिएर जानुभएको होला तर होइन निकालियो । मुन्ट्याउने काम मात्रै भएन गलहत्याएर निकाल्ने, उपेन्द्र यादवले राजीनामा नदिएको भए गलहत्याएर निकालिन्थ्यो, हिजो काम छँदा भाँडो नछँदा ठाँडो भनेजस्तै, उहाँको अवस्था त्यस्तै देखिरहेका छौँ । केपी ओलीको प्रतिगमनको प्रतिगमनका विरुद्ध सँगै अघि बढेको पार्टी, निर्वाचनपछि गठबन्धनमा महत्वपूर्ण घटक भएको पार्टी ।’ उहाँले अशोक राईलाई निर्वाचन आयोगले दिएको मान्यता सही थियो÷थिएन भन्ने आशंका रहेको उल्लेख गर्दै अदालतले नै टुंग्याउने बताउनुभयो ।
नेपालले नेपालको राजनीतिमा आफूप्रति जनताको निकै ठूलो आशा र अपेक्षा रहेको दाबी गर्नुभयो । उहाँले पार्टीप्रति कुनै किसिमको भ्रम राख्नुपर्ने आवश्यक नभएको बताउनुभयो । उहाँले आज भोलिका ताजा घटनाक्रमले पनि एमालेबाट आफूहरूले विद्रोह गरेको औचित्य पुष्टि गरिरहेको दाबी गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच