काठमाडौं । सन नेपाल लाइफ इन्स्योरेन्सको सातौँ वार्षिक साधारणसभा बुधबार काठमाडौंमा सम्पन्न भएको छ । सभाले आर्थिक वर्ष ०७९/८० सम्मको वितरणयोग्य मुनाफाबाट हाल कायम चुक्तापुँजी तीन अर्ब २० करोडको २३.८० प्रतिशतले हुन आउने ७६ करोड १६ लाख रुपैयाँ बराबरको बोनस सेयर जारी गर्ने प्रस्ताव पारित गरेको छ । बोनस सेयर कर प्रयोजनार्थ १.२५२६ प्रतिशतले हुन आउने चार करोड ८४ हजार दुई सय १० रुपैयाँ बराबरको नगद लाभांश पनि अनुमोदन गरेको छ ।
बोनस सेयरपछि चुक्तापुँजी तीन अर्ब ९६ करोड १६ लाख कायम हुने र नेपाल बिमा प्राधिकरण तोकेको न्यूनतम पाँच अर्ब रुपैयाँ चुक्ता पुँजीका लागि नपुग पुँजी कायम गर्न उक्त पुँजीको २७ प्रतिशत अर्थात् १ः०.२७ अनुपातमा हकप्रद सेयर जारी गर्ने विशेष प्रस्तावसमेत पारित गरेको छ ।
साथै साधारणसभाले कम्पनीको प्रबन्धपत्र तथा नियमावलीमा संशोधन गर्ने तथा नियमनकारी निकायबाट प्रबन्धपत्र तथा नियमावलीमा संशोधन तथा प्राप्त हुने निर्देशन कार्यान्वयन गर्न सञ्चालक समितिलाई अख्तियारी प्रदान गरेको छ । सर्वसाधारण सेयरधनी समूहबाट सञ्चालक समितिमा प्रतिनिधित्व गर्न एकजना सञ्चालकको निर्वाचन गर्ने प्रस्ताव पनि पारित गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच