काठमाडौं । आठौँ प्रधानमन्त्री कप भलिबल लिगमा महिलातर्फको उपाधि नेपाल पुलिस क्लबले जितेको छ । पुलिसले लिगमा अपराजित रहँदै फाइनल पुगेको एभरेष्ट भलिबल क्लब बुटवललाई ३-२ ले पराजित गरेको हो । पुलिसले एभरेष्टलाई २५-२१, २५-२३, २०-२५, २०-२५ र १५-१२ को सेटमा पराजित गरेको हो ।
पहिलो र दोस्रो सेटमा लगातार जित हात पारेको पुलिसले तेस्रो र चौथो सेट भने गुमायो । पाचौँ सेट जित्दै डिफेन्डिङ च्याम्पियन पुलिसले उपाधि रक्षा गरेको हो । उपाधिसँगै पुलिस क्लबले आठ लाख रुपैयाँ प्राप्त गरेको छ । दोस्रो भएको एभरेष्ट भलिबल क्लबले चार लाख रुपैयाँ प्राप्त गरेको छ ।
शनिबार नै भएको पुरुषतर्फको फाइनल खेलमा टिप टप हेल्प नेपाल विजयी भएको छ । गण्डकी प्रदेशलाई हेल्प नेपालले ३-१ ले पराजित गरेको हो । गण्डकीलाई हेल्प नेपालले २५-२२, २५-२०, २५-२०, २५-२० को सेटमा पराजित गरेको हो ।
त्रिभुवन आर्मी क्लबलाई हराउँदै नेपाल पुलिस क्लब तेस्रो भएको छ । पुलिस क्लबले आर्मीलाई ३-२ को सेटमा हराएको हो । गत चैतमा सम्पन्न आठौँ आरबिबिएभिए भलिबल च्याम्पियनसिपबाट छनोट भएका महिलातर्फ ६ र पुरुषतर्फ आठ टोलीले लिगमा स्पर्धा गरेका थिए ।
पुरुषतर्फ हेल्प नेपाल, त्रिभुवन आर्मी क्लब, नेपाल पुलिस क्लब, गण्डकी प्रदेश भलिबल संघ, नेपाल एपिएफ क्लब, सुदूरपश्चिम स्पोटर््स काउन्सिल, कोशी प्रदेश र बुढानीलकण्ठ भलिबल क्लब सहभागी थिए ।
महिलातर्फ एभरेस्ट भलिबल क्लब, नेपाल पुलिस क्लब, एपिएफ क्लब, चन्द्रागिरि नगरपालिका न्यु डायमण्ड, त्रिभुवन आर्मी क्लब र कर्णाली प्रदेश सहभागी थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच