काठमाडौं । यसै साता माल्दिभ्समा हुने काभा यू-२० महिला भलिबल च्याम्पियनसिपमा सहभागी हुने युवा टोलीलाई बिदाइ गरिएको छ । नेपाल भलिबल संघले सोमबार एक कार्यक्रम गर्दै खेलाडीलाई बिदाइ गरेको हो । राष्ट्रिय खेलकुद परिषद्का सदस्य-सचिव टंकलाल घिसिङ, नेपाल भलिबल संघका अध्यक्ष जितेन्द्रबहादुर चन्द, उपाध्यक्ष भरतबहादुर शाह, सहाना प्रधान फाउण्डेसनका अध्यक्ष रामकुमारी झाँक्रीलगायतले खेलाडीहरूको बिदाइ गर्नुभएको थियो ।
च्याम्पियनसिप साउन ३ देखि ८ गतेसम्म माल्दिभ्सको मालेमा हुनेछ । च्याम्पियनसिपमा नेपाल, आयोजक माल्दिभ्स, किर्गिस्तान र श्रीलंका गरी चार राष्ट्रले सहभागिता जनाउनेछन् ।
नेपालले साउन ३ गते श्रीलंकासँग खेल्दै काभा यू-२० महिला भलिबल च्याम्पियनसिपको सुरुवात गर्नेछ । साउन ४ गते किर्गिस्तान र साउन ५ गते माल्दिभ्ससँग प्रतिस्पर्धा गर्नेछ ।
राउण्ड रोविन लिगपछि लिगको शीर्ष र चौथो हुने टोली र लिगको दोस्रो र तेस्रो हुने टोलीले सेमिफाइनल खेल्नेछन् । दुई खेलको विजेताले फाइनल खेल्नेछन् ।
यसै महिना काठमाडौंमा सम्पन्न प्रथम सहाना प्रधान स्मृति यू-१९ महिला भलिबल च्याम्पियनसिपको प्रदर्शनका आधारमा युवा टोली संघले छनोट गरेको हो ।
जसमा सबैभन्दा धेरै बागमती प्रदेशबाट प्रतिनिधित्व गरेका न्यू डायमण्ड युथ स्पोर्ट्स क्लबका ६ जना टोलीमा परेका छन् । एभरेष्ट भलिबल क्लबबाट खेल्ने लुम्बिनी प्रदेशका चार, गण्डकीबाट खेलेका नेपाल पुलिस क्लब र सुदूरपश्चिमबाट खेलेका त्रिभुवन आर्मी क्लबबाट समान एक खेलाडी टोलीमा परेका छन् ।
यू-२० महिला टोलीमा जेनिशा विश्वकर्मा (कप्तान), सलिना बुढा मगर, एलिसा मानन्धर, निशा महर, भावना तामाङ, एञ्जिला प्रधान, निशा चौधरी, आरती चौधरी, मिना सुनार, अनुषा चौधरी, स्नेहा ठगुन्ना र आशिका क्षेत्री हुनुहुन्छ । मुख्य प्रशिक्षकमा कुमार राई, सहायक प्रशिक्षकमा अर्जुन घिमिरे र टिम व्यवस्थापकमा जुनु पुन रहनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच