रुवाण्डा । रुवाण्डाको राजधानी किगालीस्थित अमाहोरो स्टेडियममा आयोजित एक समारोहमा नवनिर्वाचित राष्ट्रपति पाउल कागामेले चौथो कार्यकालका लागि रुवाण्डाको राष्ट्रपतिको रुपमा शपथ ग्रहण गर्नुभएको छ । आफ्नो उद्घाटन मन्तव्यमा कागामेले समारोहलाई नवीकरण र कृतज्ञताको दिनको रूपमा वर्णन गर्नुभयो । विगत तीन दशकमा रुवाण्डाको प्रगतिलाई प्रतिबिम्बित गर्दै कागामेले अपेक्षाभन्दा धेरै उपलब्धि हासिल भएको उल्लेख गर्नुभयो । कागामेले विगत ३० वर्षदेखि काम अघि बढेको बताउँदै अब भविष्यमा ध्यान केन्द्रित भएकोमा जोड दिनुभयो ।
कागामेले विशिष्ट परिस्थिति र नागरिकका अपेक्षाहरू पूरा गर्न राजनीतिक र शासन प्रणालीलाई अनुकूलन गर्ने आवश्यकतालाई विनम्र स्वीकार गर्न आहृवान गर्नुभयो । जुलाई १५ मा भएको राष्ट्रपतीय निर्वाचनमा करिब ९० लाख रुवाण्डावासीले मतदान गरेका थिए ।
गत महिनाको अन्त्यमा जारी अन्तिम नतिजा अनुसार सत्तारुढ रुवाण्डा प्याट्रियोटिक फ्रन्ट (आरपीएफ) को प्रतिनिधित्व गर्ने कागामेले ९९.१८ प्रतिशत मत ल्याएर चुनाव जित्नुभएको थियो । उहाँका प्रतिद्वन्द्वी रुवाण्डाको विपक्षी डेमोक्र्याटिक ग्रीन पार्टीका फ्रान्क हबिनेजा र स्वतन्त्र उम्मेदवार फिलिप मपेइमानाले क्रमशः ०.५० प्रतिशत र ०.३२ प्रतिशत मत प्राप्त गर्नुभयो । उहाँ सन् २००३, २०१० र २०१७ को राष्ट्रपति चुनावमा पुनः निर्वाचित हुनुभएको थियो । सिन्हृवा ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच