ढाका । बंगलादेशको अन्तरिम सरकारले जमात-ए-इस्लामीमाथिको प्रतिबन्ध तत्काल लागु हुनेगरी हटाएको छ । गृह मन्त्रालयले प्रतिबन्ध फुकुवा गर्ने सूचना अगस्ट २८ मा जारी गरेको हो । सरकारले जमात-ए-इस्लामीको विद्यार्थी संगठन इस्लामिक स्टुडेन्ट्स क्याम्प र यसका अन्य संगठनहरूमाथिको प्रतिबन्ध पनि हटाएको छ ।
सन् २०१३ मा शेख हसिना सरकारको पालामा यी संगठनमाथि प्रतिबन्ध लगाइएको थियो । गतवर्ष बंगलादेशको सर्वोच्च अदालतले पनि जमातलाई चुनाव लड्न प्रतिबन्ध लगाएको थियो । जमात-ए-इस्लामीमाथिको प्रतिबन्ध फुकुवा भएपछि बंगलादेशका लागि राजनीतिमा विकल्प खुलेको छ र यसले देशको चुनावमा आफ्नो भूमिका निर्वाह गर्न सक्छ ।
जमात-ए-इस्लामी बंगलादेशको सबैभन्दा ठूलो इस्लामिक पार्टी हो । यो पार्टीको विद्यार्थी संगठन निकै बलियो छ । यसले देशमा हिंसा र अतिवादलाई बढावा दिएको आरोप लाग्दै आएको छ । भारतमा बाबरी मस्जिद विध्वंसपछि बंगलादेशमा हिन्दुविरोधी दंगा भड्काएको आरोप पनि सो पार्टीमाथि लागेको थियो । जमात-ए-इस्लामीको छवि भारतविरोधी रहेको बताउने गरिएको छ ।
सन् १९९० मा बंगलादेशमा सैनिक शासनको अन्त्यपछि जमात-ए-इस्लामी र यसका नेताहरूलाई युद्ध अपराधको आरोप लगाई मुद्दा चलाइएको थियो । सन् २०१० मा अन्तर्राष्ट्रिय अपराध न्यायाधीकरणले पार्टीका आठ नेतालाई युद्ध अपराधमा दोषी ठहर गरेको थियो । जमातले पहिलोपटक सन् १९७८ को चुनावमा भाग लिएको थियो । यो पार्टी सन् २००१ मा बेगम खालिदा जियाको नेतृत्वमा बनेको सरकारमा पनि सामेल भएको थियो ।
गृह मन्त्रालयले जारी गरेको सूचनामा भनिएको छ, ‘जमात-ए-इस्लामी बंगलादेश, यसको इस्लामिक स्टुडेन्ट शिबिर र संगठनका अन्य सबै सम्बद्ध एकाइविरुद्ध कुनै आतंकवादी सम्बन्ध फेला परेको छैन, त्यसैले जमात-ए-इस्लामी बंगलादेश, इस्लामिक स्टुडेन्ट्स क्याम्प र जमातका अन्य सबै सम्बद्ध इकाइहरू आतंकवादी गतिविधिमा संलग्न छैनन् भन्ने सरकारको धारणा छ ।’ रासस/एएफपी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच