सर्लाही । जिल्लाको पर्सा गाउँपालिका स्थित आफ्नै घर अगाडीको कुलोको पानीमा डुबेर बालिकाको मृत्यु भएको छ । पर्सा गापा-५, पर्सा टोल निवासी बब्लु अंसारीकी छोरी २ वर्षीया आईसा खातुन आफ्नै घर अगाडिको कुलोमा डुबेर मृत अवस्थामा मंगलबार दिउँसो फेला परेकी हुन् ।
साँढे ३ बजेतिर घर अगाडी खेल्दै गरेकी खातुनलाई नदेखेपछि आफन्तसहित परिवारले प्रहरीमा खबर गरेका थिए । तत्काल घटनास्थल पुगेको प्रहरी टोलीले खोजतलास गर्दा ४ बजेतिर घरदेखि १५० मिटर दक्षिणतर्फ कुलोको पानीमा डुबेर मृत अवस्थामा खातुनलाई फेला पारेको जिल्ला प्रहरी कार्यालय मलंगवाका प्रवक्ता प्रहरी नायब उपरीक्षक दिपक श्रेष्ठले जानकारी दिए ।
अहिले घटनास्थल मुचुल्का लगायत काम भइरहेको र कागजात तयार गर्ने काम सम्पन्न भएपछि शव पोष्टमार्टमका लागि सदरमुकाम मलंगवा स्थित प्रादेशिक अस्पतालमा पठाईने प्रहरीले जनाएको छ ।
यस्तै सर्लाहीको रामनगर गाउँपालिका-२ ईनर्वास्थित धान खेतमा एक ४ वर्षीय बालकको शव फेला परेको छ । जिल्लाको दक्षिणपश्चिम क्षेत्रमा पर्ने रामनगर गाउँपालिका-२ ईनर्वाका रामध्यान रायका ४ वर्षीय छोरा तेजस्वी यादवको शव धान खेतमा फेला परेको हो । बालक आइतबार साँझ साढे सातबजे घरबाटै हराएका थिए ।
उनको अबेर रातीसम्म परिवारजनले खोजी गरेपनि भेट्न सकेको थिएन । बालकको शव सोमबार मात्र धान खेतमा फेला परेको प्रहरी नायव उपरीक्षक दिपक श्रेष्ठले जानकारी दिनुभयाे । उहाँका अनुसार घरको ५ सय मिटर टाढा धान खेतमा बालकको शव फेला परेको हाे ।
बालकको शव पोष्टमार्टमका लागि प्रादेशिक अस्पताल मलंगवा ल्याइएको छ । बालकको सम्भावित मृत्यु नभएको र घटना संकास्पद देखिएकोमा अनुसन्धान भइरहेको प्रहरीले जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच