काठमाडौं । काठमाडौंको त्रिपुरेश्वरस्थित दशरथ रंगशाला पुनः अन्तर्राष्ट्रिय प्रतियोगिताका लागि अयोग्य ठहर भएको छ । दशरथ रंगशाला अन्तर्राष्ट्रिय प्रतियोगिताका अयोग्य ठहर भएसँगै नेपालले होम ग्राउण्डमा खेल्न पाउने खेल देशबाहिर खेल्नुपर्ने भएको हो । एएफसी एसियन कप छनोट २०२७ को तेस्रो चरणअन्तर्गत नेपालले घरेलु मैदानमा खेल्नुपर्ने खेल मलेसियामा हुने भएको हो ।
यसअघि नेपालले मलेसियासँगको आफ्नो पहिलो खेल मार्च २५ मा दशरथ रंगशालमा खेल्ने तालिका सार्वजनिक गरिएको थियो । तर, उक्त खेल नेपालमा नहुने भएको हो । अखिल नेपाल फुटबल संघ (एन्फा)ले यस खेलबारे अहिलेसम्म आधिकारिक धारणा सार्वजनिक गरेको छैन । तर, एसियाली फुटबल महासंघ (एएफसी) ले नेपाल र मलेसियाबीचको खेल मलेसियाको जोहोरस्थित सुल्तान इब्राहिम स्टेडियममा हुने उल्लेख गरेको छ ।
केही महिनाअघि एएफसी प्रतिनिधिले दशरथ रंगशालाको निरीक्षण गरेका थिए । त्यसक्रममा मैदानको अवस्था खराब भएको प्रतिवेदन पेश गरिएको थियो । दशरथ रंगशालामा केही दिनअघि अन्तर्राष्ट्रिय महिला च्याम्पियनसिप सम्पन्न भएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच