ओखलढुंगा । आयोजना छनौट तथा आयोजना बैँक सम्बन्धी एक दिने अभिमुखीकरण र वार्षिक योजना तर्जुमा गोष्ठी सम्पन्न भएको छ ।
प्रदेश योजना आयोग कोशी प्रदेशको आयोजना तथा कोशी प्रदेशका विषयगत मन्त्रालयको सहकार्यमा कार्यक्रम बिहिबार सम्पन्न भएको हो ।
प्रदेश योजना आयोगका सदस्य किशोर कुमार थुलुङ राईको अध्यक्षता तथा संविधानसभा सदस्य यज्ञराज सुनुवारको विशेष आतिथ्यता र विशिष्ट अतिथि प्रदेशसभा सदस्यद्वय प्रदिप कुमार सुनुवार र बाबुराम गौतम र जिल्ला समन्वय समिति ओखलढुंगाका प्रमुख टेकराज भट्टराई रहनुभएको थियो ।
त्यसैगरी अतिथिहरुमा स्थानीय तहका प्रमुख, उपप्रमुख, प्रमुख जिल्ला अधिकारी लगायत स्थानीय तहका प्रमुख प्रशासकीय अधिकृतहरु रहनुभएको थियो ।
कार्यक्रममा बोल्दै विशेष अतिथि सुनुवारले पहाडी जिल्लाहरुमा योजनाहरु छनौट गर्दा जनसंख्याको आधारमा नभई भौगोलिक अवस्थाको आधारमा योजना तर्जुमा गरिनुपर्ने बताउनु भयो । जनसंख्यालाई आधार मान्ने हो भने पहाडी जिल्लामा छरिएको बस्तीमा कहिल्यै पनि विकास गर्न नसकीने तर्क गर्नुभयो । स्थानीय तहले छनौट गरेर पठाएका योजनाहरुलाई योजना बैँक बनाई कार्यान्वयन गर्ने उदेश्यले योजना बैँकको स्थापना गरिएको योजना आयोगका सदस्य किशोर कुमार थुलुङ राईले बताउनु भयो । प्रदेशभरीका योजनाहरुलाई प्राथमिकिकरण गरी योजना कार्यान्वयन गराउन योजना बैंकले ठुलो सहयोग पुर्याउने सदस्य थुलुङ राईले बताउनु भयो ।
प्रदेशमा एउटा योजना बैंक रहनेछ, उक्त बैंकमा भएका योजनाहरुलाई प्राथमिक्ताका आधारमा कार्यान्वयन गरिनेछ । स्थानीय तहका योजनाहरुले प्राथमिक्तामा पर्नको लागि योजना बैंकमा अनिवार्य परेको हुनुपर्ने व्यवस्था रहेको छ । योजन बैंक मा स्थानीय तहले, प्रदेश तह र संघले कार्यान्वयन गर्ने योजनाहरुको प्राथामिकीकरण हुनेछ । कति आर्थीक भारका योजना कुन तहले गर्ने भन्ने कुरा योजना बैंकले स्पष्ट हुने बताएका छन् ।
प्रदेश माननीयहरुको अध्यक्षतामा निर्वाचन क्षेत्रअनुसार समूह बनाई योजना तर्जुमा गरिएको थियो । प्रदेश सभा सदस्य प्रदेश (क) का प्रदिप कुमार सुनुवार र प्रदेश सभा सदस्य प्रदेश (ख) का बाबुराम गौतमको अध्यक्षतामा योजना तर्जुमा तथा छनौट कार्यक्रम गरिएको थियो । आफ्नो पालिकामा छुटेका योजनाहरु फर्ममार्फत थप गरिएको थियो । विशेष गरी पालिका प्रमुख उपप्रमुख र प्रशासकीय अधिकृत हरुको उपस्थित रहनु पर्ने भएपनि केहि पालिका बाहेक तीनैजना उपस्थित रहेका थिएनन् ।
मानेभन्ज्यांगका प्रमुख ज्ञानेन्द्र रुम्दालीले प्रदेश योजना आयोगले यसरी योजना तर्जुमा गर्नुभन्दा पनि योजना वितरण सम्बन्धी स्पष्ट नीति बनाउनु पर्नेमा जोड दिनुभयो । योजना वितरण सम्बन्धी स्पष्ट नीति नभएका कारण गाउँसरकार प्रमुखका योजना भन्दा पनि कर्मचारीका योजनाले प्राथमिक्ता पाउने गरेको गुनासो समेत गर्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच