नामिबियासँग हार्‍यो क्यानडा

हिमालय टाइम्स

८ चैत्र २०८१, शुक्रबार ०३:४३

Read Time = 3 mins

सिफारिस

सुनिलको पुनरागमनमा भारतको जित

प्रिन्ट संस्करण

क्रिकेट

खेलकुद

A A- A+

विन्धोक । घरेलु टोली नामिबियाले दोस्रो टी–२० आईमा क्यानडालाई हराएको छ । बुधबार भएको खेलमा नामिबियाले क्यानडालाई ३ विकेटले पराजित गरेको हो । जितसँगै नामिबियाले पाँच खेलको टी-२० आई सिरिजमा १-० को अग्रता लिएको छ ।
पहिलो टी–२० आई वर्षाका कारण रद्द भएको थियो । वर्षाका कारण खेल १५ ओभरमा छोट्याइएको थियो । क्यानडाले दिएको १४६ रनको लक्ष्य नामिबियाले निर्धारित १५औँ ओभरको अन्तिम बलमा ७ विकेट गुमाएर पूरा गर्‍यो । नामिबियाको जितमा जान निकोल लफ्टी इटनले २१ बलमा सर्वाधिक ३६ रन जोड्नुभयो । बलिङमा उत्कृष्ट प्रदर्शनका साथ प्लेयर अफ द म्याच बन्नुभएका जेजे स्मिथले १७ बलमा ३३ रन बनाउनुभयो ।
निकोलस डाविन १९ बलमा ३२ रन बनाएर आउट हुनुभयो । जान ग्रिनले ८ बलमा नटआउट २१ रन बनाउँदै टोलीलाई जित दिलाउनुभयो । क्यानडाका लागि अखिल कुमारले तीन, कलिम सानाले दुई तथा डिलोन हेलिंगर र शाहिद अहमदजाईंले समान एक विकेट लिनुभयो ।
त्यसअघि नामिबिया क्रिकेट मैदानमा टस हारेर ब्याटिङको निम्तो पाएको क्यानडाले निर्धारित १५ ओभरमा ८ विकेट गुमाएर १४५ रन जोडेको थियो । क्यानडाका लागि युवराज शर्माले १८ बलमा सर्वाधिक ३७ रन जोड्नुभयो । डिलोन हेलिंगर १४ बलमा २६ रनमा आउट हुनुभयो ।
श्रेयस मोभ्भा २० बलमा १८ रन जोड्दै आउट हुँदा साद विन जाफरले ८ बलमा नट आउट १८ रन बनाउनुभयो । कप्तान निकोलस किर्तन १६ तथा नवनित धालीवाल १४ रनमा आउट हुनुभयो । नामिबियाका लागि रुबेन ट्रम्पलम्यानले चार, जेजे स्मिथले तीन तथा कप्तान जेहार्ड एरास्मसले एक विकेट लिनुभयो । दुई देशबीचको तेस्रो टी–२० आई आज (शुक्रबार) हुनेछ । एजेन्सी ।

यो खबर पढेर तपाईलाई कस्तो महसुस भयो ?