काठमाडौं । नेपाली साहित्यमा कवि तथा कथाकारका रूपमा स्थापित ब्रिटिश गोर्खा सैन्य सेवाबाट अवकाशप्राप्त रक्ष राई पछिल्लो समय विचारक तथा सिद्धान्तकारका रूपमा चिनिनुभएको छ । मिजास तेम्बेसँगको सहलेखनमा विसं २०६८ मा ‘नवचेतनाग्रह’ नामक नितान्त नवीन सैद्धान्तिक ग्रन्थ प्रकाशनमा ल्याउनुभएका राईले तेम्बेसँगकै सहलेखनमा विसं २०७२ मा ‘डायस्पोरा सिद्धान्तः सिर्जना र समालोचना’ नामक डायस्पोरिक सैद्धान्तिक ग्रन्थ प्रकाशनमा ल्याउनुभएको थियो ।
भोक्ताहरूका तर्फबाट प्रकाशनमा आएको संभवतः यो नै पहिलो सैद्धान्तिक ग्रन्थ थियो । त्यसपछि राईको मन सिद्धान्तमै रमायो । विसं २०७९ मा ‘युद्ध सौन्दर्य चिन्तन’ ल्याउनुभएका राईले हालै ‘डायस्पोराः अवधारणा र अभ्यास’ नामक सैद्धान्तिक ग्रन्थ लेख्नुभएको छ । ग्रन्थ रत्न पुस्तक भण्डारले प्रकाशन गरेको हो ।
‘डायस्पोराः अवधारणा र अभ्यास’ (गोर्खाली आप्रवासनको सन्दर्भ) नामक यस ग्रन्थमा अवधारणा र अभ्यास गरी दुई खण्ड छन् । अवधारणा खण्डमा सक्षिप्त विश्व आप्रवासन, पुरानो र आधुनिक डायस्पोरा, ग्लोबल तथा समकालीन डायस्पोरा, अवधारणा, विधि र पद्धतिहरूका साथै नेपाली आप्रवासन र डायस्पोरा विषय समेटिएको छ ।
यसैगरी दोस्रो खण्डमा बेलायती नेपाली डायस्पोराका साथै साहित्य र सिर्जनाका विषयमा लेखिएको छ । प्रख्यात डायस्पोरिक समालोचक प्राडा.गोविन्दराज भट्टराईले एक विद्याधारिधि गरे सरह परिश्रमले सिँचिएको ग्रन्थ प्रत्येक प्राज्ञिक अनुष्ठानमा पुग्नुपर्ने विचार व्यक्त गर्नुभएको छ । ‘नेपाल-भारतका नेपाली समुदायले अध्ययन-अध्यापन गर्ने विश्वविद्यालय र कलेजमा यस ग्रन्थ पुगोस्’, उहाँले लेख्नुभएको छ । डायस्पोरिक साहित्यको अध्ययन तथा अनुसन्धान गर्न चाहने अध्येता तथा अध्यापकहरूका लागि उपयोगी ६४० पृष्ठको उक्त ग्रन्थकोे मूल्य ११९९ रुपैयाँ राखिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच