काठमाडौं । नेपाली महिला क्रिकेट टोलीकी अनुभवी खेलाडी सीता रानामगर सम्मिलित टोर्नाडोस वुमन्स हङकङमा जारी दोस्रो संस्करणको फेयर ब्रेक इन्भिटेसनल टी-२० क्रिकेट प्रतियोगिताको पहिलो खेलमा फाल्कोन्स वुमन्ससँग ४१ रनले पराजित भएको छ । सोमबार दिउँसो भएको खेलमा जितका लागि १५१ रनको लक्ष्य पछ्याएको टोर्नाडोसले निर्धारित २० ओभरमा नौ विकेट गुमाउँदै १०९ रनमात्रै बनाउन सक्यो । टोर्नाडोसकी सुने लुसले ३५ बलमा पाँच चौका र दुई छक्कासहित ४८ रन बनाउनुभयो ।
फाल्कोन्सकी मरिजाने कप्पले तीन ओभरमा चार रन खर्चेर तीन विकेट लिनुभयो । सोर्नारिन टिपोचले चार ओभरमा १३ रन खर्चेर तीन विकेट लिनुभयो । कैआ अरुणाले तीन ओभरमा १० रन खर्चेर दुई विकेट लिनुभयो ।
त्यसअघि हङकङको काउलुन क्रिकेट क्लबमा टस हारेर पहिला ब्याटिङको निम्तो पाएको फाल्कोन्सले २० ओभरमा ६ विकेट गुमाउँदै १५० रन बनाएको थियो ।
फाल्कोन्सकी युवा ब्याटर तिर्थ सतिशले ४० बलमा सात चौका र दुई छक्कासहित ५७ रन बनाउनुभयो । त्यस्तै, मारिको हिल २५ बलमा तीन चौका र दुई छक्कासहित ३८ रनमा आउट हुनुभयो । टोर्नाडोसकी सुने लुस र विनिफ्रेड दुराईसिंगमले समान दुई-दुई विकेट लिनुभयो ।
सीता टोलीको प्लेइङ ११ मा भए पनि ब्याटिङ र बलिङको अवसर भने पाउनुभयो । फ्रेयर ब्रेकमा नेपाली महिला क्रिकेट टोलीकी कप्तान रुविना क्षेत्री पनि हुनुहुन्छ । रुविनाले फ्रेयर ब्रेक बर्मी आर्मीबाट खेल्दै हुनुहुन्छ । आर्मीले मंगलबार स्पिरिट वुमन्ससँग खेल्दैछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच