ओखलढुंगा । ओखलढुंगा जिल्लाका आठ वटै स्थानिय तहमा बेरुजु थपिदै गएको छ । आर्थिक वर्ष ०७९/८० मा गरिएको लेखापरिक्षणमा बेरुजु थपिदै गएको प्रतिवेदन सार्वजनिक भएको हो । नेपालको सर्वाेच्च लेखापरिक्षण संस्था महालेखापरिक्षकको कार्यालयको प्रतिवेदनले ओखलढुंगाका सबै स्थानिय तहमा बेरुजु थपिदै गएको प्रतिवेदन सार्वजनिक गरेको छ । गत आर्थिक वर्षको तुलनामा यो आर्थिक वर्षमा कम बेरुजू रहेको छ । तर गत आर्थीक वर्षको बेरुजु फर्छ्याैट गर्नुपर्नेमा यो आर्थिक वर्षमा पनि झन बेरुजू थपिएको देखिएको छ ।
आर्थिक वर्ष ०७९/८० मा सबै भन्दा बढी चम्पादेवी गाउँपालिकामा बेरुजु देखिएको छ भने सबै भन्दा कम चिशंखुगढी गाउँपालिकाको रहेको छ । चम्पादेवी गाउँपालिकाको यो आर्थिक वर्षमा ५ करोड ७८ लाख १५ हजार बेरुजु रहेको छ । चिशंखुगढी गाउँपालिकाको १ करोड १० लाख ३४ हजार बेरुजु रहेको छ । त्यसै गरी लिखु गाउँपालिका दोश्रो कम बेरुजु भएको स्थानिय तह हो, लिखुको यो आर्थिक वर्षमा १ करोड ८१ लाख ३१ हजार बेरुजु रहेको छ । तेश्रो कम बेरुजु भएको स्थानिय तह सिद्धिचरण नगरपालिका हो, यो आर्थिक वर्षमा १ करोड ९८ लाख ८६ हजार बेरुजु देखिएको छ । चौथो कम बेरुजु मोलुङ गाउँपालिकाको रहेको छ । यो आर्थिक वर्षमा १ करोड ९९ लाख १६ हजार रहेको छ । त्यसै गरी मानेभन्ज्याङ गाउँपालिकाकाको २ करोड २६ लाख ५९ हजार, सुनकोशी गाउँपालिकाको ३ करोड ६८ लाख ६४ हजार रहेको छ । गत आर्थिक वर्षको बेरुजुलाई पनि जोड्ने हो भने नतिजा फरक आउन सक्छ ।
चम्पादेवी गाउँपालिकाको गत र यो आर्थिक वर्ष गरेर जम्मा २१ करोड ४ लाख ७२ हजार बेरुजु रहेको छ । सुनकोशी गाउँपालिकाको गत र यो आर्थिक वर्ष गरेर जम्मा ७ करोड ४२ लाख बेरुजु रहेको छ । सिद्धिचरण नगरपालिकाको गत र यो आर्थिक वर्ष गरेर जम्मा ९ करोड ७३ लाख ३५ हजार बेरुजु रहेको छ । चिशंखुगढी गाउँपालिकाको गत र यो आर्थिक वर्ष गरेर जम्मा ६ करोड १२ लाख ५६ हजार बेरुजु रहेको छ । मोलुङ गाउँपालिकाको गत र यो आर्थिक वर्ष गरेर जम्मा १३ करोड ४८ लाख ३८ हजार बेरुजु रहेको छ । खिजीदेम्बा गाउँपालिकाको गत र यो आर्थिक वर्ष गरेर जम्मा ७ करोड १८ लाख ६२ हजार बेरुजु रहेको छ र लिखु गाउँपालिकाको गत र यो आर्थिक वर्ष गरेर जम्मा १० करोड १२ लाख ८३ हजार बेरुजु रहेको छ ।
सिद्धिचरण नगरपालिकाको १८ लाख ७४ हजार, चिशंखुगढी गाउँपालिकाको ४ लाख ४८ हजार, मोलुङ गाउँपालिकालाई ५५ लाख ७१ हजार, खिजीदेम्बा गाउँपालिकाको १ लाख २६ हजार, लिखु गाउँपालिकाको २७ लाख ८३ हजार, चम्पादेवी गाउँपालिकाको २० लाख ५८ हजार, सुनकोशी गाउँपालिकाको २४ लाख ९१ हजार र मानेभञ्याङ गाउँपालिकाको ११ लाख ८५ हजार रकम असुल गर्नु पर्ने भनी महालेखापरिक्षकको कार्यालयले प्रतिवेदनमा उल्लेख गरेको छ ।
अन्य बेरुजु प्रमाण तथा कागजपत्र पेश गर्नुपर्ने, नियमित गर्नुपर्ने र पेश्की बाँकी रहेको प्रतिवेदनमा उल्लेख गरेको छ । यस प्रतिवेदनलाई अध्ययन गर्दा स्थानिय तहहरु पारदर्शी र जवाफदेही नभएको जानकारहरुको भनाई छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच