निरोज कोइराला/भोजपुर । भोजपुरको षडानन्द नगरपालिका-१४, बोयाको बिहिबारे बजारमा बिहीवार बेलुका लागेको आगलागीबाट करिव तीन करोड बरावरको क्षति भएको छ ।
उक्त आगलागीमा परी अढाई बर्षीया रेश्मा तामाङको मृत्यु भएको थियो भने चार घर जलेर नष्ट भएको थियो ।
बेलुका ७ बजे स्थानीय खेममणी तामाङको ढुंगा माटोले बनेको टिनको छानो भएको दुई तले घरबाट सुरु भएको आगोलागीबाट करिव दुई करोड ६० लाख २३ हजार बरावरको क्षति भएको जिल्ला प्रहरी कार्यालय भोजपुरले जनाएको छ ।
आगोलागीमा परी मृतक बालिकाका बाबु खेममणी तामाङ र आमा मिना तामाङसमेत घाइते हुनुभएको छ । उहाँहरूको थप उपचार बिपी कोइराला स्वास्थ्य बिज्ञान प्रतिष्ठान धरानमा भइरहेको छ । उक्त आगो स्थानीयवासी र सुरक्षाकर्मीको सहयोगमा राती नियन्त्रणमा आएको थियो ।
आगलागीबाट खेममणी, र अर्जुन तामाङको दुई वटा घर र घरमा भएको किराना पसल तथा कपडा पसल समेत पुर्णरुपमा जलेर नष्ट भएको छ । घटनाका बिषयमा थप अनुसन्धान तथा कानुनी प्रकृया भईरहेको जिल्ला प्रहरी कार्यालय भोजपुरले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच