राजेशको ‘खुशीका मुहान’मा नग्मा र सागर

Sunday June 26, 2022

Read Time = 2 mins

मनोरञ्जन

मनोरञ्जन ताजा समाचार

A A- A+

काठमाडौं । लोकप्रिय गायक राजेश पायल राईको स्वरमा रहेको ‘खुशीका मुहान’ बोलको म्युजिक भिडियो सार्वजनिक गरिएको छ । गीतमा राज मुकारुङको शब्द रहेको छ भने अम्बर तुम्बापो सुब्बाको संगीत रहेको छ । एआरको प्रस्तुतिमा बनेको गीत काठमाडौंमा एक कार्यक्रमबीच सार्वजनिक गरिएको हो ।

निर्देशक तथा गायक सुरज तामाङले निर्देशन गरेको म्युजिक भिडियो उत्कृष्ट बनेको छ । प्रेमिल जोडीको जीवनमा आउने जातीय अवरोधको सेरोफेरोलाई गीतको स्टोरी अनुसार प्रस्तुत गरिएको छ । मोडल नग्मा श्रेष्ठ र सागर थापा ध्रुवले भिडियोमा अभिनय गर्नुभएको छ ।

खुशीका मुहान गीतको बारेमा बोल्दै मोडल नग्माले गीत जस्तै भिडियो पनि राम्रो बनेकाले दर्शकको प्रतिक्रियाको पर्खाइमा रहेको बताउनुभयो । यस भिडियोमा फराज अर्पणको डिओपी, विशाल थापाको सिनेमाटोग्राफी र ज्वाला राईको सम्पादन र कलर रहेको छ । यो गीतमा साहस शाक्यको एरेञ्ज र चन्द्र चौधरीको मिक्सिङ, मास्टरिङ रहेको छ ।

यो खबर पढेर तपाईलाई कस्तो महसुस भयो ?