सत्यमोहन जोशीको स्वास्थ्यमा सामान्य सुधार

फाइल तस्वीर

हिमालय टाइम्स

२६ आश्विन २०७९, बुधबार ०४:५५

Read Time = 1 min

साहित्य/कला

A A- A+

काठमाडौं । वाङ्मय शताब्दी पुरुष सत्यमोहन जोशीको स्वास्थ्यमा सामान्य सुधार भएको छ । किष्ट अस्पतालका निर्देशक प्रा.डा. सुरज बज्राचार्यले मंगलबार प्रेस विज्ञप्ति जारी गर्दै उहाँको स्वास्थ्यमा सामान्य सुधार भएको जानकारी दिनुभएको हो ।

प्रा.डा.बज्राचार्यका अनुसार १८ दिनदेखि उक्त अस्पतालमा उपचाररत जोशीको मंगलबारदेखि स्वास्थ्यमा सुधार आएको हो । मुटुको चालसम्बन्धी समस्यामा पनि केही सुधार देखिएको र जोशीले सामान्य प्रतिक्रिया दिन थालेका विज्ञप्तिमा उल्लेख छ । ‘छातीको निमोनिया संक्रमण नियन्त्रणका लागि दिइएको एन्टिबायोटिक्स कोर्स जारी छ, अझै उहाँको सघन उपचार कक्षमा नै राखेर उपचार गर्नुपर्ने अवस्था छ,’ विज्ञप्तिमा भनिएको छ ।

यो खबर पढेर तपाईलाई कस्तो महसुस भयो ?