काठमाडौं । प्रतिनिधिसभा सदस्य पदका लागि काठमाडौं-५ बाट स्वतन्त्र उम्मेदवारी दिएका श्री गुरुङले एमालेका उम्मेदवार ईश्वर पोखरेललाई हराउने दाबी गर्नुभएकाे छ ।
उक्त क्षेत्रबाट एमालेका वरिष्ठ उपाध्यक्ष ईश्वर पोखरेल, कांग्रेसका युवा नेता प्रदीप पौडेलसहित उम्मेदवार चुनावी प्रतिस्पर्धामा छन् । तर, आफू उक्त क्षेत्रबाट निर्वाचित हुने गुरुङकाे दाबी छ ।
शुक्रबार मालिगाउँ, हाँडीगाउँ, कालोपुल, भत्केको पुल क्षेत्रमा भएको घरदैलो कार्यक्रमका क्रममा उहाँले एमाले, कांग्रेसहितका दलका उम्मेदवारलाई पराजित गर्ने दाबी गर्नुभएकाे हाे ।
क्यामेरा चुनाव चिह्न लिएर प्रतिस्पर्धामा उत्रिएका उहाँले मतदातासँग आफू निर्वाचित भएपछि नेपाललाई दक्षिण एसियाको पर्यटन राजधानी बनाउन पहल गर्ने प्रतिबद्धता जनाउनु भएकाे छ ।
गुरुङले ‘पर्यटन नै सम्वृद्धिको आधार देशमा विकास र युवालाई रोजगार’ भन्ने नारासहित मतदातासँग मत माग्नुभएकाे छ । नेपालको पर्यटन, प्रविधि, व्यापार र ऊर्जा प्रवद्र्धनमा जोड दिनुभएका उहाँले चीन र दक्षिण एसियाली मुलुकहरुको समन्वय तथा लगानी अनि नेपालको निगरानी, स्वामित्व तथा कानुनी आधारमा अन्तर्राष्ट्रिय सुख्खा बन्दरगाहको निर्माण गर्ने बताउनु भएकाे छ ।
नेपालको हिमालहरुमा जलवायु परिवर्तनको असरको मुद्दा विश्वव्यापीकरण गर्न पहल गर्ने उद्घोष गर्नुभएका श्री गुरुङले गाजा खेतीलाई पर्यटन, औषधीजन्य, कपडाजन्य तथा व्यापारिक प्रयोजनका लागि मापदण्डसहितको वैधानिकता दिन कानुन निर्माणमा जुट्ने प्रतिबद्धता जनाउनु भएकाे छ ।
घरदैलोमा जाने क्रममा काठमाडौं-५ का मतदाताले देखाएको उत्साहले आफू निर्वाचित हुने दाबी गर्नुभएका उहाँले सीपमुलक शिक्षा, सफा अस्पताल, प्रविधियुक्त सरकारी सेवालाई आफ्नो एजेण्डामा समावेश गर्नुभएकाे छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच