काठमाडौं । अखिल नेपाल फुटबल संघ (एन्फा) ले प्रिजेन तामाङको उपचारका लागि तीन लाख रुपैयाँ उपलब्ध गराउने भएको छ । एन्फाको बैठकले प्रिजेनको उपचारमा सहयोग गर्ने निर्णय गरेको हो ।
प्रिजेन ब्लड क्यान्सरको उपचार गराइरहनुभएको छ । उहाँको भारतको नयाँदिल्लीस्थित अपोलो अस्पतालमा उपचार भइरहेको छ । खेलाडी संघले एन्फालाई प्रिजेनको उपचारमा सहयोग गर्न आग्रह गर्दै निवेदन दिएको थियो ।
एन्फा एकेडेमीका उत्पादन प्रिजेन तीन वर्षअघि स्वदेशमा भएको १३औँ दक्षिण एसियाली खेलकुद (साग) र यू-१८ साफ च्याम्पियनसिपको च्याम्पियन टोलीका सदस्य हुनुहुन्छ ।
उहाँले त्रिभुवन आर्मी फुटबल क्लबबाट ललित स्मृति यू-१८ च्याम्पियनसिप जित्नुभएको छ । फ्रेन्ड्स क्लबबाट ए डिभिजन लिग खेल्नुभएका प्रिजेनले नेपाल सुपर लिग (एनएसएल) को पहिलो संस्करणको विजेता काठमाडौं रेजर्सबाट खेल्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच