काठमाडौं । धेरै मतले हारजीत हुनुलाई स्वाभाविक नै लिन सकिएला । तर दुई सय कम मतले पराजय हुनु जति पीडा पराजित हुनेलाई मात्रै होला । यसपटकको निर्वाचनमा यस्तो दृश्य देखियो, जो तीन सयभन्दा कम मतले पराजित भए । रोचक त के भने, यी सबै विजयी उम्मेदवार फरक फरक प्रदेशका हुन् ।
लुम्बिनी प्रदेश
एमाले महासचिव शंकर पोखरेल जम्मा ११७ मतले मात्रै पराजित हुनु भयो । दाङ २ बाट प्रतिनिधिसभाका लागि उम्मेदवार बनेका ‘हेभिवेट’ उम्मेदवार पोखरेल माओवादी केन्द्रकी रेखा शर्मासँग जम्मा ११७ मतले पराजित हुनु भएको हो ।
शर्माले २६ हजार आठ सय ७७ मत प्राप्त गरी प्रतिनिधिसभामा विजयी हुँदा पोखरेल २६ हजार ६ सय ८१ मत प्राप्त गरेर पराजित हुनु भयो । लुम्बिनी प्रदेशका पूर्वमुख्यमन्त्रीसमेत रहनुभएका पोखरेलले दाङमा प्रदेश राजधानी बनाउने निर्णय गर्नुभएको थियो । तर, पोखरेललाई दाङवासीले पत्याइदिएनन् ।
बाग्मती प्रदेश
काठमाडौं १ मा रवीन्द्र मिश्रको अवस्था पनि त्यस्तै भयो । नेपाली कांग्रेसका प्रकाशमान सिंहले राप्रपाबाट उम्मेदवारी दिनुभएका मिश्रलाई जम्मा १३२ मतले पराजित गर्नुभयो । भावी प्रधानमन्त्रीको रूपमा आफ्नो दावी प्रस्तुत गरिरहनुभएको सिंहले यसअघि पनि मिश्रलाई एक हजारभन्दा कम मतान्तरले पराजित गर्नुभएको थिो। सिंहले ७१ सय ४३ मत प्राप्त गर्दा मिश्रले ७०११ मत प्राप्त गर्नुभयोक ।
प्रदेश १
ताप्लेजुङमा एमाले सचिव योगेश भट्टराई झिनो मतान्तरले विजयी हनुु भयो । उहाँले जम्मा २०८ मतले मात्रै आफ्ना प्रतिद्वन्द्वीलाई संघीय संसद् आउने बाटो रोक्नुभयो । भट्टराईले २१९४३ मत प्राप्त गर्दा उहाँका निकट प्रतिद्वन्द्वी माओवादी केन्द्रका उम्मेदवार खेलप्रसाद बुढाक्षेत्रीले २१७३५ मत मात्र ल्याउनुभयो ।
मधेस प्रदेश
एमालेका राजकुमार गुप्ता पनि झिनो मतान्तरले मात्रै विजयी हुनु भएको छ । गुप्ताले नेपाली कांग्रेसका सुरेन्द्र चौधरीलाई १५१ मतले मात्र पराजित गर्नुभयो । गुप्ताले २४२६० मत प्राप्त गर्दा चौधरीले २४०१९ मत ल्याउनु भयो ।
कर्णाली प्रदेश
दैलेख २ मा नेपाली कांग्रेसका उम्मेदवारले एमालेका उम्मेदवारलाई जम्मा एक सय ३५ मतले हराउनु भयो । कांग्रेसका दिक्पालकुमार शाहीले एमालेका लक्ष्मीप्रसाद पोखरेललाई एक सय ३५ मतले मात्रै पराजित गर्नुभयो । शाहीले २०१५८ मत ल्याउँदा निकट प्रतिस्पर्धी पोखरेल २०००५ मतमा सीमित हुनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच