काठमाडौं । ग्लोबल आईएमई र बैंक अफ काठमाण्डु मर्ज भएपछिको एकीकृत कारोबार आज सोमबारदेखि सुरु हुने भएको छ ।
मर्जपछि ग्लोबल आईएमई बैंकको नामबाट एकीकृत कारोबार सुरु हुन लागेको हो । एकीकृत कारोबारका लागि प्रणाली स्वाप गर्नका लागि शनिबार र आइतबार कारोबार बन्द गरिएको थियो । बीओकेसँगको मर्जरसँगै ग्लोबल आईएमई बैंको चुक्ता पूँजी ४५ अर्ब ७७ करोड पुगेको छ ।
निक्षेप ४ खर्ब ८ अर्ब र कर्जा प्रवाह ३ खर्ब ७६ अर्ब पुगेको छ । चुक्ता पूँजी, निक्षेप र ऋण लगानीका हिसाबले ग्लोबल आईएमई देशको सबै भन्दा ठूलो बैंक बनेको छ । अहिलेसम्म ५ वटा वाणिज्य बैंक, १० वटा विकास बैंक र ६ वटा फाइनान्स गरी २१ वटा संस्था ग्लोबल आईएमईमा गाभिएका छन्।
मर्जरपछि यो बैंकका देशभरमा ३ सय ६५ वटा शाखा, ३ सय ६७ एटीएम र ४० लाख ग्राहक पुगेका छन् । विदेशमा पनि ३ वटा शाखा रहेको बैंकले जनाएको छ ।
नयाँ बैंकको सञ्चालक समितिमा ग्लोबल आइएमई बैंकको तर्फबाट अध्यक्ष चन्द्रप्रसाद ढकालसहित ५ जना र बैंक अफ काठमाण्डूको तर्फबाट २ जना रहनुभएको छ ।
त्यसैगरी बैंकको प्रमुख कार्यकारी अधिकृतको रुपमा ग्लोबल आइएमई बैंकका प्रमुख कार्यकारी अधिकृत रत्नराज बज्राचार्य रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच