फ्रान्समा प्राकृतिक प्रकोपको लागत २३ वर्षयताकै उच्च

१४ माघ २०७९, शनिबार ०४:५१

Read Time = 2 mins

प्रिन्ट संस्करण

विदेश

A A- A+

पेरिस । प्राकृतिक प्रकोपका कारण गत वर्ष फ्रान्सेली बीमा कम्पनीहरूले १० अर्ब युरो (१०.९ अर्ब अमेरिकी डलर) को क्षति बेहोर्नुपरेको छ । यो दुई दशकमा सबैभन्दा उच्च क्षति हो । फ्रान्स एस्योरर्सकी अध्यक्ष फ्लोरेन्स लस्टम्यानले गत वर्ष आएको असिना, बाढी र खडेरीलाई उद्धृत गर्दै युरोप-१ रेडियोसँग भन्नुभयो, ‘यो वर्ष विपत्तिका कारण इन्सोरेन्स कम्पनीहरूले ठूलो क्षति बेहोर्नुपरेको छ ।

प्राकृतिक प्रकोपका कारण बीमा उद्योगले सन् २०१७ देखि सन् २०२१ को बीचमा प्रतिवर्ष औसतमा ३.५ अर्ब युरो खर्च गर्नुपरेको उहाँले बताउनुभयो । सन् १९९९ मा फ्रान्समा आएको आँधीबेहरीपछि सन् २०२२ को यो आँकडा सबैभन्दा बढी हो ।

बीमा महासंघले आगामी ३० वर्षमा प्राकृतिक प्रकोपबाट प्राप्त हुने रकम १४० अर्ब युरोभन्दा बढी क्षति हुने बताएको छ । पुनर्बीमा कम्पनी ‘स्वीस रि’ले गत डिसेम्बरमा प्राकृतिक र मानव सिर्जित विपत्तिका कारण सन् २०२२ मा विश्वभर २६८ अर्ब अमेरिकी डलर बराबरको आर्थिक क्षति भएको जनाएको थियो । एजेन्सी ।

प्राकृतिक

प्रकोप

यो खबर पढेर तपाईलाई कस्तो महसुस भयो ?