काठमाडौं । हिमालयन बैंक र सिभिल बैंकले शुक्रबारदेखि एकीकृत कारोबार सुरु गरेका छन् । सिभिल प्राप्तिसँगै हिमालयन नेपालको बैंकिङ क्षेत्रको सातौँ ठूलो बैंक बनेकोे छ । हिमालयन बैंकले सिभिल बैंकलाई १०० बराबर ८०.२८ सेयर आदानप्रदान अनुपातमा प्राप्ति गरेको हो । प्राप्तिपछि हिमालयन बैंक लिमिटेडको नामबाट कारोबार हुनेछ ।
मर्जरसँगै हिमालयन बैंकको अधिकृत पुँजी २६ अर्ब, कुल सम्पत्ति तीन खर्ब ३४ अर्बसहित बैंक सातौँ ठूलो बैंक बनेको हो । बैंकको चुक्ता तथा जारी पुँजी २१ अर्ब ६५ करोड, कुल पुँजी ३४ अर्ब, कुुल निक्षेप दुुई खर्ब ७४ अर्ब र कुल कर्जा दुई खर्ब ५० अर्ब पुगेको छ । एकीकृत कारोबारको घोषणा गर्दै प्राप्तिले बैंकलाई थप उत्कृष्टतासाथ समृद्धिको बाटोमा सँगै बढ्ने हिमालयन बैंकका अध्यक्ष प्रचण्डमान श्रेष्ठले बताउनुभएको छ ।
अन्य बैंक मर्जरमा जाँदा हिमालयन र सिभिल बैंकका सञ्चालकले मर्जरमा जाने सहमतिपछि प्राप्तिको काम अघि बढेको हिमालयन बैंकका प्रमुख कार्यकारी अधिकृत अशोकशमशेर राणाले बताउनुभएको छ । सिभिल बैंकका अध्यक्ष प्रदिपजंग पाण्डेले दुई बैंकबीचको एकता आगामी दिनमा थप सबल र सक्षम बनाउने बताउनुभयो । नेपालभर बैंकका १८९ शाखा, २० विस्तारित काउण्टर र २६३ भन्दा बढी एटिएम रहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच