पेरिस । फ्रान्सेली क्लब पेरिस सेन्ट जर्मेन (पिएसजी) लाई २-० ले पराजित गर्दै जर्मन क्लब बायर्न म्युनिख युइएफए च्याम्पियन्स लिगको क्वाटरफाइनलमा प्रवेश गरेको छ । योसँगै म्युनिखसँग दुवै लिगमा पराजित भएको पिएसजी अन्तिम १६ बाटै बाहिरिएको छ ।
बुधबार राती भएको दोस्रो लिगमा पिएसजी घरेलु टोली बायर्नसँग २-० ले पराजित भयो । पहिलो लिगमा पिएसजी १-० ले पराजित भएको थियो । बायर्नको जितमा एरिक म्याक्सिम चुपो मोटिङ र सर्ज नाब्रीले गोल गर्नुभयो । ६१औँ मिनेटमा चुपो मोटिङले गोल गर्दै बायर्नलाई १-० को अग्रता दिलाउनुभयो । त्यसपछि ८९औँ मिनेटमा सर्ज नाब्रीले गोल गर्दै बायर्नको २-० को जित पक्का गराउनुभयो ।
यता, इटालियन क्लब एसी मिलान ११ वर्षपछि च्याम्पियन्स लिगको क्वाटरफाइनलमा प्रवेश गर्यो । उसले इंग्लिस क्लब टोटेनहम हटस्परलाई दोस्रो लिगमा गोलरहित बराबरीमा रोक्दै समग्रमा १-० को जितसँगै सन् २०११-१२ पछि पहिलोपल्ट क्वाटरफाइनलमा पुगेको हो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच