म्याग्दी । म्याग्दीको रघुगंगा गाउँपालिका–८ पात्लेखर्कमा आइतवार राति परेको चट्याङका कारण लागेर तीर्थयात्री भवन पूर्ण रुपमा क्षति भएको छ ।
चट्याङ लागेर प्रसिद्ध धार्मिक स्थल रिखार जाने तिर्थयात्रीहरुलाई लक्षित गरि पात्लेखर्कमा निर्माण गरिएको तिर्थयात्री भवन पूर्ण रुपमा क्षति भएको हो । त्यसैगरी सप्तऋषि रिखार युवा क्लबको खेल मैदानमा पनि क्षति पुगेको छ । छहरेखोला लघुजलविद्यूतको पात्लेखर्कमा रहेको प्रशारणलाइनमा क्षति हुँदा विद्युत सेवा समेत अवरुद्ध भएको स्थानीय अगुवा युवा अंकित पुनले जानकारी दिनुभयो ।
स्थानीय जनसुन्दर आधारभुत विद्यालय व्यवस्थापन समितिका अध्यक्ष समेत रहनुभएका पुनले दिएको जानकारी अनुसार विद्यालय भवनमा समेत आँसिक रुपमा क्षति पुगेको छ ।
उहाँका अनुसार तीर्थयात्री भवन भत्किँदा तीर्थयात्रीको लागि भवनभित्र रहेका लत्ताकपडा र भाँडाकुडाहरुमा समेत क्षति भएको छ । चट्याङले तीर्थयात्री भवन भत्किँदा युवा क्लबको खेलमैदान पुरिएको छ भने खेलमैदानको प्याराफिट समेत भत्किएको छ ।
नयाँ बर्ष २०८० को अवसरमा स्थानीय सप्तऋषि रिखार युवा क्लबले विविध खेलकुद प्रतियोगिता आयोजना गर्ने तयारी गरिरहेको अवस्थामा खेलमैदान, प्याराफिट र भवनमा क्षति पुगेसंगै मेला समेत प्रभावित हुने सम्भावना रहेको क्लवका अध्यक्ष विवश फगामीले बताउनुभयो ।
चट्याङका कारण खेलमैदान परिसरमा रहेको क्लबको भवन समेत चर्किएको उहाँले जानकारी दिनुभयो । रातको समयमा चट्यांक लागेको र तीर्थयात्रु भवन र विद्यालयमा कोही पनि नभएको कारण मानवीय क्षति हुनबाट जोगिएको उहाँले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच