झापा जिल्ला आमन्त्रण चेस सुरु

हिमालय टाइम्स

२३ चैत्र २०७९, बिहिबार ०४:१६

Read Time = 1 min

प्रिन्ट संस्करण

खेलकुद

A A- A+

काठमाडौं । झापा जिल्ला खुला आमन्त्रण रेटिङ चेस प्रतियोगिता मंगलबार सुरु भयो । प्रतियोगिताको प्रमुख अतिथि कोशी प्रदेशका सांसद गोपाल तामाङले उद्घाटन गर्नुभयो । स्वीस लिगका आधारमा तीन दिनसम्म हुने प्रतियोगितामा झापा, मोरङ र सुनसरीका गरी ३५ जना खेलाडीको सहभागिता छ ।

प्रतियोगिताको कुल पुरस्कार राशि एक लाख नौ हजार ५०० रुपैयाँ रहेको छ । प्रतियोगिताको आयोजक नाइटचेस क्लब, रोटरी कलब अफ मेचीनगर र मेची युवा चेस एकेडेमी छन् ।

प्रतियोगिताले युवा खेलाडीको क्षमता विकासमा महत्वपूर्ण योगदान गर्ने विश्वास रहेको टुर्नामेन्ट डाइरेक्टर भरत गुरुङले जानकारी दिनुभयो । पहिलो दिन दुई चरणको खेल सकिँदा राजन सुवेदी, विकास मैनाली, विश्वविजय घिमिरे, विक्रम सिंघक, हिमाल राई र उमेश राईको दुई अंक छ ।

चेस

प्रतियोगिता

यो खबर पढेर तपाईलाई कस्तो महसुस भयो ?