डडेल्धुरा । संघीय सरकार मातहतमा रहेको डडेल्धुरा अस्पताल डडेल्धुरामा एक हप्ता २ अध्यक्ष नियुक्त गरिए पछि डडेल्धुराबासी आश्चर्यचकित भएका छन् ।
नेपाल सरकार स्वास्थ्य तथा जनसंख्या मन्त्रालको परिपत्रमा प्रधानमन्त्री तथा स्वास्थ्य तथा जनसंख्या मन्त्रीस्तरको निर्णय अनुसार बैशाख २३ गते देखि लागु हुने गरि डडेल्धुरा अस्पतालविकास समिति गठन आदेश २०७६ को दफा ३, उपदफा २ बमोजिम ३ वर्ष पदाबधि रहने गरि मनोनयन गरिएको पत्र पछि अध्यक्ष लक्ष्मण सिंहले बुधवार कार्यभार सम्हालेको केहिबेरमै पुरानै अध्यक्ष करुणाकर ओझालाई पुनः मनोनयन गरेको पत्र सार्बजनिक भएपछि जिल्लामा खैलाबैला मच्चिएकाे छ ।
नेपाल सरकार स्वास्थ्य तथा जनसंख्या मन्त्रालयको परिपत्रमा प्रधानमन्त्री तथा स्वास्थ्य तथा जनसंख्या मन्त्रीस्तरको निर्णय भन्दै लक्ष्मण सिंहको मनोनयन बदर गरिएको बोधार्थ डडेल्धुरा अस्पताललाचई पठाएको छ भने आजकै मितिमा निवर्तमान अध्यक्षलाई सोही बमोजिम मनोनयन गरिएको जानकारी पठाएको छ ।
स्वास्थ्य तथा जनसंख्या मन्त्रालका नीति तथा योजना, अनुगमन महाशाखाका जनस्वास्थ्य अधिकृत रोजिना तण्डुकारद्वारा जारी मनोनयनपत्र तथा बदरपत्र जारी भए पछि अन्यायमा परेका लक्ष्मण सिंह न्यायका लागि अदालतको ढोका ढकढक्याउने प्रतिक्रिया दिनुभएको छ ।
लक्ष्मण सिंह यस अघि २०७३ र २०७५मा गरी दुई पटक अध्यक्ष हुनु भएकाे थियाे भने करुणाकर ओझा निवर्तमान अध्यक्ष हुनु हो । सिंह अध्यक्ष हुँदा अस्पतालको सेवासुविधामा गुणस्तर बढाउने र अस्पतालको पूर्वाधार विकासमा महत्वपूर्ण योगदान दिएको स्थानीय बताउँदै आएका छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच