काठमाडौं । काठमाडौं महानगरपालिकाकाका मेयर बालेन्द्र शाह (बालेन) ले महनगर क्षेत्र भित्र रहेका अस्पतालहरूलाई लक्षित वर्गलाई मापदण्ड अनुसार निःशुल्क स्वास्थ्य सेवा उपलब्ध गराउन निर्देशन दिनुभएको छ ।
महानगर प्रमुख शाहले स्वास्थ्य सम्बन्धी ऐन, कानुन र मापदण्डहरू पूर्ण कार्यान्वयन गराउन विभिन्न क्षेत्रहरूबाट आएको सुझावका अनुसार स्वास्थ्य सेवालाई सबै वर्ग, समूहको पहुँच योग्य बनाउन निर्देशन दिनुभएको हो ।
उहाँले सामााजीक सञ्जालमार्फ एक सूचना जारी गर्दै महानगर क्षेत्र भित्र रहेका अस्पतालहरूले प्रचलित कानुन र मापदण्ड अनुसार लक्षित वर्गहरूलाई निःशुल्क स्वास्थ्य सेवा उपलब्ध गराउने, सेवाग्राही मैत्री सेवा प्रवाह गर्ने, स्वास्थ्य संस्थाहरूमा कार्यरत स्वास्थ्यकर्मी र अन्य कर्मचारीहरूको प्रचलित कानुनले तोकेको न्यूनतम पारिश्रमिक उपलब्ध गराउने निर्णय गरेको बताउनुभयो ।
‘महानगर क्षेत्र भित्र रहेका अस्पतालहरूले प्रचलित कानुन र मापदण्ड अनुसार लक्षित वर्गहरूलाई निःशुल्क स्वास्थ्य सेवा उपलब्ध गराउने, सेवाग्राही मैत्री सेवा प्रवाह गर्ने, स्वास्थ्य संस्थाहरूमा कार्यरत स्वास्थ्यकर्मी र अन्य कर्मचारीहरूको प्रचलित कानुनले तोकेको न्यूनतम पारिश्रमिक उपलब्ध गराउने, स्वास्थ्यजन्य फोहोरमैला व्यवस्थापन गर्ने, अस्पताल भित्र रहेका क्यान्टिनमा खाद्य गुणस्तर कायम गर्ने, अनावश्यक प्रयोगशाला परीक्षणको लागि सिफारिस नगर्ने जस्ता कार्यहरू सुधार गरी स्वास्थ्य सेवालाई सबै वर्ग, समूहको पहुँच योग्य बनाउन काठमाडौं महानगरपालिकाको निर्णय अनुसार सम्बन्धित सबैलाई यो सूचना जारी गरिएको छ,’ बालेनले फेसबुकमा लेख्नुभएको छ ।
अतिरिक्त लक्षित वर्गले निःशुल्क सेवा लिएका व्यक्तिहरूको विवरण टाँस गर्न पनि उहाँले सूचनामार्फत भन्नुभएको छ । यस्तै, ती विवरण महानगरमा प्रत्येक महिनाको १० गतेसम्म नबुझाएको पाइएमा नियम अनुसार कारवाही हुनेसमेत उहाँले उल्लेख गर्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच